والله اكل النفساء مو معقد هالدرجة صدقيني
اللهوم : ( بيالة حلب ونصها كمون وملعقتين كبيرة مسمار ومثلها حبة سوادء وفلفل اسود اذا ماترضعين )
تطحنينهم وتاخذين ملعقتين الصباح على الريق ووحدة قبل النوم تخلطينهم مع عسل طبيعي ملعقة اسهل بالبلع ولا تحسين بطعمهم
انا بقولك نظامي يمكن يعجبك
بس قبله شيئن اذا سويتهم باذن الله ماعليك الا العافية
ابعدي عن 1- البرد 2- الجوع
الصباح :
بعد ملعقتين اللهوم كاسة حليب دافي واذا انتي تحبين الفلفل الاسود مع الحليب حطي انا ماافضله وخاصة للي ترضع
ومعاهم توست اسمر حبتين وبيض بلدي مسلوق وحبة خيار ويوم غيري خلية جبن مالح او قطعة كيكة دلعي نفسك تراه بيخرب شئ
او حتى خبز تنور اشتري لك كمية وحطية بالفريز طعمها حلو ومرغوب لا تعقدين نفسك بكلمة نفاس
او مصابيب كلهم سهلين انتي تسوينهم
والغداء :
هو المهم انا اسوي شئ سهل جدا وطعمة جدا رائع
اقطع بصل واحمسة مع فلفل بارد واحط البهارات والماجي وعود قرفة وحبتين هيل مو مطحون وليمونة سوداء افتحها فتحتين صغار
واحط شوي مرة صلصة لانك تعرفين الحوامض تقللين منها واحط عليهم كاسة موية ولحمة بدون شحم ابدا اكثره هبر والعظم واحد بس
اخلي زوجي يصلحهم لي عند الملحمه ويكيسونهم لي بس اطلع الكيس واخليه لين يلين واحطه واحط خضرة مهمه اي شئ كوسة او جبا
طبعا كلهم بالكاتم واخليهم نص ساعة على نار عالية
وصدقيني فايدته ماتتخيلنها ( خريجة تغذية ) ومالك ومال المطازيز ومرقوق وماادري وشو هم يقولون انه لازم تاكلين ثقيل عشان الرحم
يصير رخو بعد الولادة وعشان يبعدون عن السمنة ياكلون بر من مطازيز وغيره بس انا اقول انه الجوع هو اللي شين
وحطي فلفل اسود شوي مفيد لك لا تكثرين عشان البيبي
وبعد الغداء تشربين لك منقوع سوية اللحين قبل تولدين اغلي كاسة موية وحطي فيها ملعقة كبيرة عنزرت وملعقة كبيرة مرة طبعا بعد طحنهن
وتشربين منه نص فنجال القهوة واذا قدرتي اشربي فنجال كامل بس لا تكثرين لانه كثرته بتجيب لك شئ مثل الطلق
وهو زين للي تحس بسدد او ان الدم اللي يطلع معها شوي مقارنه بدم النفساء العادي انا كان زين لي كثرته لان المشيمة انفجرت عندي
او خيار ثاني سوي دويفه مرة ممتازة انا مااعرف مقاديرها صراحة ماما تسويها لي الله يخليها
العشاء :
عاد براحتك اهم شئ تبعدين عن الفطاير والشكولاة عشان السمنة مو عشان شئ ثاني انا احب السلطات العادية جدا
ممكن شوربة عادية او خضروات مشوية
واحرصي كثير بين الوجبات اذا جعتي او ما جعتي تاكلين تمر وفاكهة و وعصيرات اذا حابة ترضعين طبيعي وفي الاخير ملعقة اللهوم وبعدها كاسة حليب دافي
والله العظيم الموضوع سهل ومايبيله تعقيد
واذا صار معك مشاكل ذيك الساعة كولي اكثر من اللي قلت لك باللهوم
طبعا تعرفين انه بعد العشرين يوم بيكون بتبدين بالرشاد لمدة عشر ايام بس لان كثرته مضرة جدا جدا وقال عنها الرسول وااكد
كلامه بالتجارب و الدراسات العلمية تاخذين نص ملعقة صغيرة مع تمرة او عسل طبيعي لان فايدته كبيرة لك هالفترة
وصل الله وبارك
الغسول مرة مادام الخيوط فيه وتسوين لك قبل ولادتك مرة وخواجوا تطحنينهم وتغلينهم بكاسة زيت زيتون وتحطين على الخياط منه
بعد الغسل بالمرة
ودعواتك الله يعوضني خير ويسهل امورنا انا وزوجي ويرزقه وزوجك من حيث لا يعلمون
ارسليلي على الخاص اذا برنامجي عجبك
طبعا ما يحتاج اقولك ان الشراب والبنطلون لازم كل نفاسك الدفا الدفا الدفا والاكل الحامض والبارد واللزج
بنت سنعه
•
اجل وش تسوي اللي ماعندها اهل قريبين ولا اهل زوج ومالقت شغاله للحين وحالتها حاله الله يعيني ويعنك ياعمري :(
الصفحة الأخيرة
انا نفسك وان شاء الله حايكون نفاسي في بيتي وقبل كدا كان في بيتي كمان بس فيه اخطاء
الاول انني ماحضرت شئ لنفسي يعني الاكل والشرب
فالان رايح اجيب قرصان -مطازيز -حب لشربة-وعلمت الشغالة كيف تعمل المصابيب-وان شاء الله اول مااحس بالالم اعمل المرق واقسمه على ايام والمهم العشر ايام الاولى وكمان جهزت الاعشاب على اساس الشغالة بس تغلى الماء وتضع المقدار-
والمهم بس يكون عندك شغالة شاطرة وانك ماتغفلى عن نفسك وتجوعي لان الجوع دمار النفاس -
اتمنى افدتك ولوبشئ بسيط
والله يسر علينا الولادة ويرزقنا بالدرية الصالحة والمعافاة من كل مرض