(نفاسي والجوع ) تتوقعون بخرب ؟؟؟؟؟؟؟؟؟؟؟

مرررررررررررراحب للجميع
حبيباتي أنا والله مو بس خايفة إلا ميته من الرعب
أنا ألحين نفاس لي 18 يوم والمشكله الدم من 8 أيام تقريبا وقف تماما
وصارينزل علي وإنتم بكرامة إفرازات بسيطة جدا كل يومين ثلاثه لونها أخضر فاتح
وإللي زاد الطينه بله هو إني صرت أحس يخرج مني هواء مررره كثير زي الفقاعات
( أعتذر عن الوصف )
بس والله محتاجه مساعدتكم
بنات هل معنى هذا إني خلاص خربت
مع العلم إني آخذ اللهوم ومحافظه على نفسي من البرد والشمم
وأغسل من تحت بالملح والأرطا والمره والقرض وقشر الرمان
أغليهم وأصفيهم وأغسل
بس الحقيقة مشكلتي هي الجوع
مالي أي علاقة بالأكل نفسيتي مسدودة تماما
وبعد جهد جهيد ومضاربات مع الوالدة آكل لقمتين وخلص تقفل الدنيا بوجهي وماقدر آحط شي بفمي
بنات وش الحل تكفوووووووون خايفة من جد ولاتقولوا دلع ترا والله غصب علي ومع كذا عندي أمل بنصايحكم ‘‘‘
هل أقدر ألحق نفسي ولا راحت علي ؟؟؟
وممكن لو شربت أشياء مفيدة (حليب - مرقة ) تنفعني بدل الأكل لأني ممكن أتغصب على الشرب بس الأكل لا
إلي عندها خبرة بالله ماتبخل علي والله يحقق لها إلي ببالها ويرزقها ماتتمنى
تكفون الفزعة وأنتم أهلها