جوري ياقلبي اول شي الحمد لله على سلامتك
افتكرك كنتي معانا بالتجمع ليش كل هالكأبه ترا انا زيك وربي بالنفاس كنت تعبانه مره وكنت اقول كيف بكره بشتغل بالبيت وجاتني شغاله فترة النفاس ومشيتها بعد ما خلصت بس الحين الحمد لله قربت اخلص شهر من بعد النفاس الحمد لله احس اني استرجعت شي من قوتي وصرت احب بيتي لان كنت اذكر ايام الحمل كنت اغلب وقتي منسدحه صرت انظف واغسل واحب الحياه انتي بس اهتمي باكلك بالذات الماش مع الحليب والمرق تقوي الحرمه وتلم العظم ابعدي عنك هالوساويس انا زيك هذا ثاني بيبي

انا عندي ثنين وولدت الثاني في بيتي وعايشه حياتي والحياااه اجمل وبالعكس فله
وبالنسبه لافكارك ترا عشانك نفاس اصبري تقومي بالسلامه وشوفي كيف حياتك بتكون حلوه وبيتك جنه بعيالك
وبعدين بالنسبه لتصريف بيتك بدون شغاله بتصرفينه زي السلام عليكم بس رتبي نومهم والباقي اعتبريه منتهي
حتى زوجك بتحصلين وقت ترتاحي معاه وتفلين امها ^_*
وبالنسبه لاهلك خليهم يساعدونك وريحي جسمك عندهم عشان تاخذي طاقه لبيتك اذارحتي وحدك ولازم لازم تتغذين وتاخذين حبوب كالسيوم وحليب وحلبه ورشاد عشان عظامك وبيض وعسل وتغذي زززززين مازين ولازم تواضبي على الحديد عشان يروح فقر الدم منك وتعرضي للشمس عشان يروح الاكتئاب منك وتسلي وكل ماحسيتي بوسوسه اقري قران وشوفي مفعوله السحري فالتهديه وقبل تنامي شغلي سورة البقره وهدي اعصابك واستغفري كثير وحصني نفسك وعيالك واي شي تبغينه اسأليني عالخاص ولاتستحين تراني مريت في حالتك بالضبط وعارفه كل الامور بس مع الترتيب شوفيني مبسوطه ياربي لك الحمد

عادي كلنا مرينا بالتجربه هذا لانه شي جديد مع الوقت تعودين وطبيعي الصغير يبي له اكثر عنايه وبالعكس بيتك افضل تقدرين ترتبين وقتك اما بنسبه لتفكير بالمستقبل فالله سبحانه ارحم بعبيده من ولده وامه والناس اجمعين واما سالفه الشغاله اذا انتي تشوفينها تنفعك ومقتنعه فيها وش لك بالناس الناس مالهم الا الكلام 

الجوري حبيبتي الحمد لله على سلامتك ويارب يصلح لك ذريتك ويعينك ع نفاسك بذات انك عمليه 
شوفي انا توني مالي اسبوع ونص طالعه نفاس بنتي الصغيره عمرها سنه ونص وصايره قلق من الغيره من النونو الله لايوريك شي جدا متعب الله ياجرنا بس انا اعطيك الواقع اللي انا فيه ولا اضحك عليك واقول عادي وهينه لا والله مو هينه طفلين ورا بعض وبذات اذا كان الكبير غيور انا تعبت الصراحه وماعندي وقت لدرجه اني ابي اكتب وضعي بموضوع هنا بس ماعندي وقت وتعالي لوقت النومه الكبيره من الغيره تبي تلفت انتباهي وبس تبكي احيانا دعسه وحده تبكي ساعه ساعه ونص واحاول فيها تعبت مادري شلون اتعامل معها الله يصلحها

اما من ناحيه بنت والا ولد يا اختي كلهم سوا من ناحيه التربيه ومن ناحيه الشقاء بس ادعي ربي يصلحهم ويسخرهم لك وماتشوفين شر 

الله يعينكم يارب انا كمان نفس وضعكم صرت اشتهي الانسداح والراحة والنوم كرف كرف متواصل