نفاس عند اهلي ولا لي نفس ارجع بيتي.

السلام عليكم 
انا متزوجة لي ثلاث سنوات وعندي طفل واللحين نفاس عند اهلي 
من تزوجت شقتي مو عاجبتني اهل زوجي ناس بسطاء واثاث الشقة جدا بسيط
لاتحفة ولا لوحة ولا اي زينة ..واول سنه كنت حامل وادرس ومافضيتلها اعدل فيها
وظروف زوجي على قدة حتى مصروف مااقدر اخذ لانه يادوب يكفي القرض والايجار...الخ
حتى مصروف البيت يشتغل بعد الدوام يطلع مصروف اليوم ..المهم اني صبرت على 
الوضع مع الحمل وقلت بعد النفاس اعدلها بس مافية مادة مدري ايش اسوي 
وهي معفوووووسة لاااازمها تعديل ..الافياش قديمه ماتمسك لما اشبك فيها وبعضها طايح
ومراوح الشفط كلها خربانه والحمام مرة يقرف المغسلة مافيها لي تنزل عل الحمام 
والليات مافيها شطاف والمطبخ بلاطة متكسر لازمة فينيل والاضااااءة  بعض اللمبات خربانه
وودي اركب نجفات بسيطة بغرفة الظيوف  واشتري اطقم ضيافة ..يعني لازمها اشياء بسيطة ماتتعدى 5000



اللحين ودي اقول لزوجي ماراح ارجع للبيت الا لما تعدله وهو ظروفة جدا جدا صعبه 
ومديون بعد وماودي اكدر خاطرة وهو متلهف على رجعتي وطيب وحنون عشان كذا
ادري بعضكن بتقول هذي اشياء بسيطة مستحيل زوجك مايقدر عليها بس والله هو 
مو قادر يلحق على المصاريف .وانا خايفة احد يزورني ببيتي بعد ماارجع واتفشل
ايش رايكم اظغط علية يتدين لي كم الف والا ارجع واصبر لين الله يفرجها .
وسلااامتكم.