نفاس محتاجه نصايحكم

وعليكم السلام ورحمة الله وبركاته .

فقر الدم تخلي الدورة طويلة وغزيرة .. ونفس الشي للنفاس يخليها احيانا تطول .

30 يوم طبيعي ماطهرتي ,, انا ما اطهر الا باليوم 38 او 39 ,, وخالاتي وكثير من الحريم يطهرو بعد الاربعين بأيام كثيرة لكن لازم يصلون ويصومون لو عليهم صيام مثل رمضان بعد الاربعين .

لاتخافي باقي لك ايام حتى تطهري فيها .

حطي بترمس اللي مقدارة لتر حفنة يد قشر قهوة مع 2 ملعقه صغيرة كمون مطحون وملعقه صغيرة زنجبيل مطحون وملعقه صغيرة قرفه مطحونه .. واذا حبيتي تضيفي نعناع طازج براحتك انا احب اضيفه معهم .

خليها 10 دقايق او اكثر واشربيها .. ان شاء الله تساعد الرحم ينقبض ويتخلص من الدم بسرعة ,, حتى مفيده لادرار الحليب وتنظيم الهرمونات .

واذا تفكرين تاخذين حبوب منع حمل خذيها في اليوم 35 من النفاس والدم لايزال معك .. لانها عادة تسبب نزيف اذا اخذتيها بعد ماتطهري .

تحركي وامشي كثير واصعدي الدرج لو تقدري وولادتك طبيعية ,, الحركه بركة بحدود المعقول وتخلي الوحده نشيطه وتطهر وتشد عظامها .. مو بس جالسه وتنتظري احد يخدمك .

واشربي مرق لحم او دجاج او خضار وانثري عليه قبل الشرب فلفل اسود مطحون ,, وخذي ملعقة صغيرة رشاد حب حطيها بفمك واشربي المرق حتى تبلعيه .. بشرط يكون المرق دافي حتى مايلصق الحب بفمك ومايستفيد الجسم منه لان فيه مادة لزجه تنفع لتطهير الارحام .

انتبهي من التبخر بالاعشاب بدون داعي ,, خليه يكون اخر علاج لو فعلا محتاجته وتعبانه كحد اقصى لان له اضرار مع فوائدة.

موفقه .