بنت ناس.. @bnt_nas_11

محررة فضية

نفاس واحتاج مساعده

السلام عليكم ورحمة الله
موضوعي مو هذا القسم المناسب له بس لان التفاعل هنا اكثر كتبته في هذا القسم
انا والده لي 32يوم وللان احس بتعب وبطني كانه فاضي ومهما اكلت احس اني جيعانه ومعاي دوخه
هذي مو اول ولاده دايم اكمل شهر وانا طيبه الحمدلله بس هالمره غير
يمكن لان عندي صغار وتعبت زياده
الله يسعدكم اللي تعرف اش اسوي او ايش اكل تفيدني
والله يجزاكم خير ومشكورين مقدما

يلزم عليك تسجيل الدخول أولًا لكتابة تعليق.

تسجيل دخول

بنت ناس.. • 9 سنوات

الله يسعدك ياجواهر حتي انا ربطت بطني من ثاني يوم بس لما افك المشد احس بهذي الاعراض
ويوميا اشرب يانسون وشمر ومع الحليب احط حلبه وماش وهيل
بس للان احس بالتعب ودايخه
الحمدلله ع كل حالً

أأأم عبدالملك • 9 سنوات

استبعدي الهيل
واشربي مويا كثير
وكلي اكل يشبع
وماعليك شر ان شاءالله.

أأأم عبدالملك • 9 سنوات

واعملي تحليل دم عشان تعرفي وش سبب الدوخه

شوااااطئ • 9 سنوات

الفيتامينات اللي كنتي تاخذيها بحملك الحديد والكالسيوم استمري عليها لين تشوفي نفسك زينه
اعراضك صارتلي بنفاسي قالت لي الدكتوره الفيتامينات ماتتركيها ست شهور خاصه مع الرضاعه
واهتمي في اكلك والله يشافيك

💕گادي💕 • 9 سنوات

الهيل يجوع اتركيه ويسبب غازات في البطن عشان كذا تحسبي بالجوع
كلي اكلات تحتوي على الطحين الاسمر مثل المرقوق والعصيده والقرص
كلي لحم ومرق والشوفان مره كويس سويه شوربه
اشربي اعشاب شمر يانسون كمون
واشربي زنجبيل مع نعناع ينظف الرحم ويدفي الجسم
والحمدلله على سلامتك ومبروك ماجاكم الله يجعله من عباده الصالحين