نفاس وتعرضت للفحة هوا

دهني جسمك واشربي حليب مع فلفل اسود ومرق لحم وان شاء الله ماعليك الا العافيه

سلامات أزمة وتعدي،،
تدهني بفكس وتلحفي ببطانية.

لا ياقلبي لاتخافين

قصدهم اللي يخوف بنفاس الصخنه يعني تصخنين بالنفاس مدري لها اسم يعني اللي تجيها حراره عاليه هذي مو زينه
عاد انا صخنت بنفاسي بس الحمدلله مو ذاك الخوووف حراره وتكسير بالجسم واخذت حبوب مضاد والحمدلله يومين وانا بخير


بس لفحة الهواء سهله

جيبي صحن معدني
وصبي كميه كبيره زيت زيتون مقدار يكفي جسمك كله
وبالنجر الهاون حطي ملعقه حلى من حبة البركه نفس المقاس حب كمون
ودقيهم زين وكبيهم بالزيت حطي بعد مسحه ملعقه شاي زنجبيل وشري فلفل اسود وشوي ملح
ودفيه على النار مو تخلينه يطبخ ويغلي
لا بس يصير حار
بعدها اشخليه

وتكونين بغرفه مافيها نسمة هواء لامكيف لامروحه لادرايش مفتوحه ولا باب مفتوح
وتشيلين كل ثيابك وتدهنين نفسك بكمية كبيره من الزيت
والبسي شراب ثقال
وسروال طويل
وقميص باكمام
او دوري لك بجامعه باكمام

تكبي بكبو الدخان
قبل تلبسين ثيابك
تكونين جامعه بصحن قشور بصل احمر مع حبة البركه مع حب كمون مع شوي مره
وكبيهم على الجمره وسلطي الدهان لتحت وتغطين نفسك ببطانيه وانتي واقفه بس ياليت معك احد
يمسك المبخره ويوجهها للمنطقه يرفعا وبنزلها وانتي تغطين نفسك بالبطانيه

بس كذا عشر دقايق تتبخربن وتلبسين ثايبك وانتي تحت البطانيه وتلفين نفسك بالبطانيه وتنسدحين ماتمشين وتروحين ربع ساعه وتحسين الغازات تطلع من ورى

هالطريقه سويتها لاختي ايام البرد
كانت تشتكي من وجع فضيع بقلبها وديناها للمستشفى سوينا لها تخطيط
وكل شي قالوا سليمه
الوجع نزل على المعده بس برضو بالقلب عرفنا انه برد
وسوينا هالطريقه انا وياها
خليتها تدهن
وجبت وحطيت الدخان بين الركب وهي واقفه ومتلحفه بالبطانيه عشان الدخان
عشر دقايق الا تقول اختفى الوجع بكل مكان
وقالت خلاص خلاص معي غازات
وبعدها راحت للحمام تقول طلعت معي كمية غازات ورتحت

اذا سويها هالطريقه وترتاحين
بس لاتمشين وتروحين وانتي متدفيه لازم على طول تنسدحين

ماتشوفين شر يارب

شكرا للنصائح الجميلة وان شالله بطبقها

انا نفاس والهواء يخبط فيا من اول يوم 
ليه يعني نكتم نفسنا