نفاس وكلها شياكة

هلا اخواتي الحبيبات

الله يسعدكم

انا حامل وادعولي ان شالله اقوم بالسلامة:04:


من يوم ماحملت وانا افكر في فترة النفسه والضيوووووووووف اللي على مدار 40 يوم
طبععا هذا مو اول حمل لي لكن عن جد في كل مرة اولد فيها اعلن حالة الطوارئ من فرزنه وعجن و و و و وكله عشان ضيوفك اللي لازم طبعا تبانين بصورة حلوة قدامهم
والحمدلله اخواتي مايقصرون يقومون يساعدون ويضيفون والكل جايب شي معاه


طبعا اول شي اقدم للضيوف عصير وبعدها القهوة والتمر وشوية بتي فورات وشكولاتات وبعدها طبعا اقدم صحن فيه حبه سمبوسة وبيتزا وكرسون ودونات وكيكة و و و و و واشياء كثيرةمااذكرها وتلاقين الصحن مليااااااااااااااااااان وتضيع عاد شياكة الاكل والضيافةوكل همي اني ابان كريمة وشاطرة:o




لكن فين الشياكة والفن؟؟؟؟؟ عن جد تضيع

المره ذي من نفستي نفسي اسوي شي جديد على شياكة شوية



اول شي جا في بالي اني الغي فكرة السمبوسة المقليه ليه؟


لان ريحة القلي لابد تطلع حتى لو انك مشغله شفاط الروائح :06:ا


ثاني شي ابغا اشتري صواني وصحون حلوة للتقديم


والعصير افكر اخليه طازج بدل التانج السريع يعني قلت بجيب من الفواكه المثلجة واعصرها في وقتها واشتري كاسات عصير شيك شوية

وطبعا القهوة والبيتفورات والشكولاتات كلها صواني ان شالله اجيبها من محلات حلوة وفخمة





نجي للشاهي واالي راح يتقدم معاها ؟؟؟؟؟؟؟؟؟؟؟؟


ياريت كل وحدة تحكينا عن وحدة نفاس زارتها وعجبها ضيافتها بحيث يغلب عليها طابع الشياكة في التقديم وبنفس الوقت طعامة الاكل المقدم(يعني نطلع عن الاشياء التقليدية من سمبوسة وكيك ودونات) وبنفس الوقت مايكون شي فيه تعب للحاضرين وللنفاس والكل يبغا يساعد ويشيل وكاننا في مهرجان




اااااسفة طولت عليكم ياريت تفيدوني