نفاس ومحتارة مع زوجي ادخلوا ضروري محتاجة رأيكم

 بنات أكتب لكم مشكلتي وأنا أهز سرير بنتي..
زوجي الله يهديه ويصلحه يارب من أول طبعه مايحب شغل البيت ..ماقلنا شي..
بس إذا أنا بخير ما أقصر ..لكن أنا دحين نفاس ومعاي إثنين أطفال ورى بعض غير أخوهم اللي أكبر منهم ..
دحين لازم أصير متنحة وباين علي مرة إني تعبانة عشان يصدق إني تعبانة ومايكلفني فوق طاقتي يالله أقوم بعيالي..
ولا إذا ما مثلت ياويلي لازم أقوم بالواجب من وإلى..
تعرفون نحنا الحريم نكون تعبانات وهلكانات لكن مايمنع نسوي روج ومناكير ونلبس حلو ونضحك عشان نغير جو..لكن حرمت نفسي من هالأشيتء قدامزوخجي لأن طوالي حيقولي..خير ماوراك إلا العافية..قومي إعملي وإعملي وإعملي..وأنا يابنات ظهري ساعات أسمعه يقض قض من تعب كل شوي أجلس  عشان صياح الصغيرة الله يحفظها..وأهلي مسافرين مو موجودين ولا كان إفتكيت من هالمشكلة..ولا أقدر أسافر لهم لأنهم في دولة ثانية ..
دحين زوجي صار يرمي علي كلام ليش ماأسوي روج وليش التشكي زاد فيني وإني صرت عجوزة..وأنايابنات عمري   29وهو39 ومثل ما وضحت لكم إذا ماإتشكيت  وكثرت منها يعتبرني إني لازم أقوم بواجبي كله بدون.مراعاة منه ما يعرف كيف يبغى واجبه كامل..


بنات أنا شلية هم كيف أقوم بواجباتي بعد الأربعبن ..والآن معاي عذري إني لسه تعبانة عشان الولادة ومعاي 2 ورى بعض الالمولودة وأخوها مع الثالث اللي أكبر منهم..
فما بالكم من دحين..
بنات أخاف نفسه تعافني لاقدر الله ودايما يصير يشوفني  إني عجوز..
وإذا بينت إهتمامي بنفسي حتى شوي راح يحملني فوق طاقتي قد جربته..
على فكرة من الناحية ذيك مشبعته بطريقة أخرى مو بالحرام ..
من واقع تجربتكم إيش الحل بارك الله فيكم