نفاس و تركني و سافر يتمشى

السلام عليكم
و ربي متضايقة يا بنات و مقهووووووورة و لا لي غيركم افضفض له


انا نفاس لي شهر و زوجي سافر قبل اسبوعين يتمشى باوروبا يا زعم انه مخنوق و بيغير جو و تركني انا و اطفالي عند اهلي





و هو مكلمني من زمان عالسفرة ذي من قبل لا يحجز و انه بيسافر وقت نفاسي و كنت اقول بلاش و يجلس يتمسكن على راسي و يسوي لي فيلم هندي قد ايش هو مخنوق و محتاج السفرة ذي يغير جو و طنشني و حجز و رتب للسفرة



المهم انه سافر و انا من يوم ما سافر كرهته و ماني طايقه حتى اشوف اسمه بالجوال



و ربي وصلت لمرحلة انه لو بس احد من اهلي و لا اولادي جاب طاريه تقوم شياطيني و اقلبها حريقة



و كمان شغال يرسلي صور و فيديوهات و ينزل سنابات كل ما اشوفها انغبن زيادة





كان لما يتصل تانغو يا اطنش و ما ارد و لا اخلي الاولاد يكلمونه و يرسلهم علي يعطوني الجوال ارد عليه بدون نفس و اقفل الفيديو و يقولي ليش و اقول له كفاية صوت (ماني طايقة اشوف وجهه )

و اغلب الاوقات اتحجج اني مشغولة بأي شي و اقوله بعدين اكلمك و اقفل و لا ارجع اكلمه



المهم انه حس اني متضايقة و صار يعتذر و يقول لو ادري انك بتتضايقني ما كان سافرت و كلام كثير (بس برضو كارهته )



قبل يومين رجع و جا عندي على طول من المطار مع انه اتصل و قلت له لاتجي روح البيت نام و ارتاح و تعال بكرة بس برضو جا ( مافي احساس )

و جاب لي هدايا و خرابيط من هناك و قال هذي هدية نفاسك حتى ما فتحتها و جاب هدايا لعيالي و لامي و اخواني بس برضو نفسي صادة عنه




امس اتصل قال تجهزوا برجعكم البيت قلت ماني راجعة مرتاحة عند اهلي قال براحتك ووقفل



و اليوم جاني الصباح و جايب لي تذاكر سفر لي و له لوحدنا لدبي يبغى يراضيني فيها



قلت معليش خلي دبي لك

لك اسبوعين تتمشى باوروبا و بتسكتني بدبي قال ظروفي ما تسمح حاليا خلينا نروح دبي نغير جو

و اصبري للصيفية اكون جمعت لي مبلغ محترم نسافر كلنا مع الاولاد لاوروبا



قلت الله الغني و اصلا انا مو طايقة اشوف وجهك عشان اسافر معاك لا لدبي و لا لغيرها



قام يصايح و انت نكدية و انا ابغى ارضيك باي طريقة و مو عاجبك شي و كلام كثير



قلت له طيب و انت ايش مصبرك على وحدة نكدية زي طلقني و فكني و فك نفسك من النكادة



خرج من عندي و راح لامي و ما ادري ايش قال لها بس الي اعرفه انه قام يتمسكن عندها و جاتني تقول انت غلطانة و انت بتخربي بيتك و الرجال ما قصر معاك المهم امي واقفة بصفه و هو لما سمع كلامها نفخ ريشه



و ارسل لي بعد ما طلع من بيت اهلي لا هجدت شياطينك كلميني و ما رديت عليه و قفلت جوالي



بالله اش رايكم انا غلطانة بللي سويته؟