انا طلعت الموضوع من بين الانقاض

بس انا مشكلتي اكبر شوي

انا عندي اطفال اتكاليين وزوجي مو من النوع الي يساعد بقلب لا انا عودته اني انا اجهزله كل شي

والحين كم شهر واولد وبيتي لحالي لا شغاله ولا شي ولا فيه احد يساعد والظييوف من اول يوم

ربي يفرجها علي وعلى كل وحده في مثل حالتي

هلا اختي بالنسبه للاكل فيه اكلات ممكن تحطيها بالفريزر وماتتغير ابد
مثل الفريك و الحنيني والمصابيب غلفيهم على قد الي بتاكلينه وكل يوم طلعي الي تبين
(اقول الله يعين فريزرك وش بيتحمل)

وحوايج النفاس لاتشرين الا الي انتي عارفه انك بتستخدمينه لان فيه اشياء ماتقدرين تتقبلينها
وممكن تاجلين هذا الموضوع لما ترتفعين بالعافيه ثم تسالين الوالده ايش كانت تعطيك
ثم تجمعينها
والله يهون عليك وعلى كل مسلمه يارب

بالنسبه للي يجيها زوار من اول يوم وهذا الشي يضايقها او يسبب لها احراج مع زوجها
ممكن تحدد ايام الزياره او تقول انها ماراح تستقبل قبل عشرين يوم (مع انه عندنا حريم كبار مايعجبهم هذا الكلام)
بس لازم يعذرون الي ببيتها وماعندها من يساعدها


ياختي ياطموح احيانا يجيك ضيوف ومايقولون بنجيب قهوتنا ثم تتجهزين بقهاويك
ويجيبون قهوتهم ويمتلي عليك المجلس قهاوي وحوسه وتحتارين في الصب والتوزيع
وتخافين ماتجهزين قهوتك ومايجيبون شي
وسلامتكم

يابنت الحلال ربي يفرجها من عنده وصدقيني وجود الزوج بهذي الفتره مهم على الاقل يكفل عياله وغير كذا تكونين على حريتك وقت ماتبين تاكلين مو احد واقف على راسك اربع وعشرين ساعه كولي كولي ...
الله يقومك بالسلامه ويفرح نظرتك .

انا معك.........والله الوحدة اذا فكرت بعيالها وزوجها بوقت النفاس والله راح يتشتتون: الاطفال ماراح يكونون تحت نظرك عند اهلك مثل بيتك......والزوج ينرحم مرة ياكل عند اهله ومرة من المطعم ومرة مايدري وين يروح.......
بالنسبة لي هالمرة قاعدة افكر اني اكمل نفاسي ببيتي اذا ربي يسر لي بالسلامة على ان امي معي بنفس البلد.......
طالما الوحدة عندها شغالة وماشية معك زين خلاص علميها على الشغل وسوي لها جدول للفطور والغدا والعشاء.......
المطازيز والمرقوق والحنيني والرغيف والمراصيع والعصيدة والاشياء هذي كلها بالفريزر سويها وانتي بالتاسع ان شالله.......
يصير ماباقي الا طبخ المرق واللحم علميه الشغالة ... ترا الشغالات يتعلمون بسرعة هالاشياء.....خليها تكتب كل شي بدفتر عندها.....
اشتري الاعشاب اللي تشربينها العصر مثلا بدال الشاي( بابونج...زعتر...مرميه...كمون)حليب وقرفة وزنجبيل
اللهومات والغسول انتي خلي امك تعلمك ان شالله عشان تشترينهم قبل وتجهزينهم مثل طريقتها...........
واذا مليتي من هالاكل على الاقل بيكون زوجك عندك اشتري اي شي من برا للتغيير بس مو دايم...
وبالنهاية الله يسلم التلفون اي حاجة تبينها اتصلي على امك واسئليها.......ترا المسألة بسيطة وانتي مصعبتها على نفسك
الله يفرج لك ويقومك بالسلامة :)

حاسة بيكى انا كمان بعيدة عن اهلى ومالى حد غير الله وما عندى شغالة ولكن منذ صغرى وانا اعتمد على نفسى فى اشياء فوق طاقتى وهذا كرم ربى على الحمد لله وانا عندى تحدى كبير ان اقوم ازحف لا بيهمنى ولكن دائما فى مكان للقلب احساسك باهلك مهم وانا دائما ابكى ونفسى اشوفهم