والكل منا يصـد لا أقبـل خويـه
نفخر نقول إنا على الصد قاويـن
وهـي علينـا فالحقيقـه قويـة
ننسى نهايتنا وعلى ويـن ماشيـن
وننسى الزمان اللي جمعنا سويـه
المشكلة ماهي بحاجـه لتخميـن
ولاهي يانـاس صعبـه القضيـة
دق الـــرقــــم
كيفك00هلافيك00وأهلين
أنا الخوي اللـي مزعـل خويـه
تغيب وصورتـك داخـل العيـن
ويبقى لحبك فـي خفوقـي بقيـه
إخواااااان حنا لو يجي بيننـا شيـن
ومانفتـرق دام المحبـة نـديـه
خلك قوي لاتحتكرك الشياطيـن
قبل الفوات وقبـل وقـت المنيـه
هاذي هي الدنيا من الحين للحيـن
لابد بين النـاس تحصـل خطيـه
ومن لايقدر غلطة أحبابه الحيـن
يقرا حروفـي ويعتبرهـا هديـه
باااكر تمر سنين وسنيـن وسنيـن
والكل يرحل فالدروب المديه
صدقني تندم و إذكر حروفنا زيـن
تندم على خلك إذا غـاب ضيـه
دنيا غريبه و أكثر النـاس ماشيـن
وكم صاحب والله دفنته بيديه
