اكبر غلط الزوجه تعطي فوق طاقتها لزوج مامنه فايد

يا اختي انسيه كأنه مش موجود واهتمي بصحتك وعيالك واهلك


زوجك هذا اول مايتشافى بيتخلص منك وبيتزوج غيرك

لاتعيشين الدنيا بنكد وهم وتنكدين على عيالك حرام اكبر حرام راح يسألك الله عنهم يوم الدين اما زوجك فعنده عقله ويتصرف ليش ابكي واتعذب لغاية مايرضى ياخذ الدوا ؟؟؟ وين وقت صحتي ووقت عيالي ووقت اهلي ؟؟؟ حرام يا اختي انتوا ترموا بنفسكم للتهلكه وتقولوا ساعدونا المفروض انتي تساعدي نفسك اسألي روحك اذا ماخذ الدوا وش بيصير ؟؟؟ بيعصب ؟ خليه في الطقاق عمره مارضى
لو انتي مريضه والله عمره مافتكر فيكي على طول بيشوتك وبياخذ غيرك وهذا التصرف الصح ليش يتعب نفسه وطاقته لجل مريضه ويضيع سنين عمره العمر قصير واحنا بنكدنا نقصره اكثر

زوجك هذا علاجه التسفيه . هو يشوف وحده تفرك كبدها بكي عليه لما ماياخذ الدوا وهو يتلذذ بهالتعذيب عاجبه منظرك ومرتاح وانتي تعذبين خلك عاقله الله ميزك بالعقل اتركيه عنه ماشفى وصدقيني التسفيه بيشفيه وان ماشفى الطب يعالجه مو انتي . انتي مو دكتوره تعالجين حالات مستعصيه وامراض نفسيه وبلا ازرق خلاص عاد اوقفي عن هالتصرف والله بتندمين حيث لاينفع الندم بعد ماتضيع احلى سنوات عمرك مع واحد مريض وعيالك لما يشوفوكي بهالصوره تبكي وتترجيه ياخذ الدوا بيتعقدون بيترك لهم هالمنظر امراض نفسيه كبيره بالمستقبل فحرام عشان مريض واحد تمرضين عشره


شوفي اعملي كونترول يعني توازن بحياتك لاتخليه اكبر همك عطيه جزء قليل من الوقت طاعك كان بها او اسفهيه انتي عملتي الي عليكي والي املاه عليكي ضميرك وانتهى

عيشي حياتك يا اختي وزوجك عمره ماشفى اذا هو عنيد هذي مشكلته مو مشكلتك ولا مشكلة عيالك

اسال الله العظيم رب العرش العظيم ان يشفيه ويرزقك الصبر

الله يشفي زوجك ويعافية ويفرج كربكم ياقلبي

عن ابي هريرة رضى الله عنه قال: قال رسول الله صلى الله عليه وسلمL ليس منا من خبب امرأه على زوجها او عبدا على سيده)