لا لا لا اقعدي في بيت اهلك علشان ثلاثه الاف دينار

وخليه يطلقك

وخلي ولدك يعيش بينك وبينه

وبيعي حياتك علشان تراب الدنيا


يا اختي

الحياه الزوجيه اسمى من كذا

وان قالك بارجعك بدون رضاااااوه وش بتسوين ؟؟؟؟؟؟؟؟؟؟؟؟؟

كويس من الرجال انه دور لك بيت

وصالحك

واعترف بغلطته

وماني شايفه شي يستدعي الطلاق

والبيوت تصير فيها بلااااااااااوي

والحمد لله ترجع المياه لمجاريها

كبري عقلك

وحاولي تعيشين حياتك بصبر اكثر وتحمل اكبر

والله يصلح ما بينكم:26:

لا أستطيع أن أقول لك إلا أن تلجئي إلى من بيده قلوب العباد

استيقظي في وقت السحر قبل صلاة الفجر بساعة أو ساعتين وصلي وأدعي ربك بإلحاح وأنت موقنة بالإجابة ولا تنسي أن مالك الدنيا قادر على أن يسخر لك زوجك ويجعله قرة عينك فقط إلجئي إلى الله ولن تندمي أبدا

وهل تظنين أن من يستغيث بالله سوف يرجع خائبا

الله يسعدك دنيا وآخرة ويصلح مابينكما ويعوضك عن الأيام السابقة خيرا

مرحبا أختي فايف:

قريت مشكلتك أكثر من مرةةةة ، و تحمليني عزيزتي راح أكون صريحة جدا معك و قاسية عليك شوي ،، مشكلتك مهوب في زوجك مشكلتك أنك مسايرة من البداية من أمك و أخواتك و ليس انت من يتخذ القرار و الدليل على ذلك في كلامك لاحظي:

( مشاكل كثير معى زوجي وامي ) و أمك ليش تصير بينها و بين زوجك مشاكل مع أنه المفروض تكون العلاقة بينها و بين زوجك رسمية في هذا الوقت ، و عفوا ليش تدخل أمك بينكم ، حتى وان كانت بينها و بين زوجك قرابة..

( طلبت الطلاق اخواني وخواتي ارفضوا وقالوا اني ما اعرف ولا افهم ولا اعرف مصلحتي ) ليش انت صغيرة؟ و من أولها طلاق ،، و بعدين ما فكرتي ليش رفضوا ليش ما يكون رجل ما يتعوض و هذا الي شافه أخوانك ...

( تزوجت ومرت الايام ولقيت انه هالرجال ) كلامك هذا يوضح انك تزوجتي و انت كارهة و خلاص كرهتي الرجل و تحسين أنك مغصوبه ،،و دخلتي بيته و انتي حاطه المشاكل السابقة بين عينيك ، حتى و ان كانت تلك المشاكل تستاهل المفروض أنك من الدقيقة الي دخلتي بيته رمتيها وراء ظهرك و بديتي صفحة جديدة معه لان هذا زواج مهوب لعبة ...

( كله بري وما يقعد وسبب انه مشغول في شغله ) و بس من كان زوجها مشغول برى البيت تقول طلقني ،، حبيبتي حكمي عقلك هذا مهوب سبب ، و بعدين تقولين في شغله يعني مهوب من و الا من ،، أنا كان زوجي تمر أيام ما اشوفه الا وقت النوم و احيانا انام و ما اشوفه الا بكرة لانه كان يروح الشغل في الصباح ثم يجي و يتغدا و ينام ثم يقوم و على طول على الاستراحة مع شلته الى الفجر ، بس ما عمري فكرت في الطلاق ، بس دعيت ربي الى ان هداه و جلس لي في البيت لدرجة اني اقوله احيانا متى تطلع ؟ ( حريم ما يعجبهم العجب )..

( وبعد شهرين طبشت من المشاكل ) شهرين لدرجة هذا مكانته في قلبك الي خلتك ما تصبرين عليه الا شهرين ، حبيبتي ياما عشنا في المشاكل سنين ، و بعدين انتي مهوب في بيت أبوك هذا زواج و مسئولية لازم تصبرين و تتحملين و تضحين شوية ، زوجك هو جنتك و نارك تبين أكثر من هذه مكانه تخليك تصبرين و تضحين...

( وفطلبت اني اروح بيت اهلي على طول ) خذيها كلمة من أكره على الرجل أن حرمته تقول ابروح لاهلي قاصدة أنها تهدده ، مهما بلغت محبته لك فأن كرامته غاليه عليه..

( وكان رده مفاجأ لي انه على طول طلب مني انى الم اغراضي واروح بيت اهلي ) يعني وش تبينه يسوي يحب رجليك أنك ما تروحين ، حبيبتي أنت الي طلبتي هو ما قالك روحي ، و لاتنسين أنك عايشة مع أنسان يحس و يفهم ، و له مشاعر مثلك وزي ما انت تحبين يعاملك زين هو بعد يحب تعاملينه زين..

( جاني وطلب مني اذا خلصت راح نروح المستشفى علشان يطيح البيبي الا في بطني (( وكان توني محلله من اسبوع))) فانصدمت من كلامه فرفض انى اسوي هالشيء المهم خلا السايق يوديني وقبل لا اروح كان عندي حاجات ما قدر اخذها قام واخذ كيس زباله ولمها لي )
حبيبتي الرجل في لحظة الغضب توقعي منه أي شيء ، و ردة فعل طبيعية جدا و واضح انه كان يأس انك ترجعين له... و الدليل أنه دق و أعتذر و ترى هذا تنازل كبير منه و مهوب كل رجل يساويه ، عندك زوجي يقول لي لا تتوقعين اني اجي و أعتذر لك و أقول أسف و لو كنت غلطان بس بتعرفين من تصرفاتي أني نادم و الا لا و تعودت على كذا...

( وقلت خلاص بس شرطي ابي بيت جديد ) حرام عليك ليش انتي مادية ، أتوقع أنه انصدم من شرطك هذا ، أنا مااقول لك لا تطلبين بس مهوب على طول و بهذا الطريقة ، أنتي أرجع اولا و بطريقه حلوة تتشرطين عليه ، بس أنتي غلطت و شوفي النتيجة ..
ترى مهوب دايما التغلي و الثقل ينفع..

( وبعدها طلبت الطلاق من اخواني وقالوا لي اهله بس اهله رفضوا ) من أخوانك و أهله ليش مين متزوج مين ! ليش لغة الحوار مفقودة بينك و بين زوجك و أي شي يصير قلت لاخواني و قالوا أهله و قالت أمي ،، ليش تخلين الاخرين يفكرون عنك دائما ! و ين شخصيتك المستقله و القدرة على أتخاذ القرار .. و بعدين كل شوي طلبت الطلاق انت ليش ما تفكرين بعقلك مهوب بعاطفتك...

( ورديني لبعض بس طبعا في التلفون ) ماني فاهمة ايش الي منع أنكم ترجعون لبعض على طول ..

( لانه كم مره رفع صوته على امي ) رجعنا لأمك ، أنا مهوب فاهمة ليش أمك هي الي تكون المشاكل معها دايما ، أنت غامضة في هالناحية..

( انى علشان ارد عليك ابي بيت جديد وهم رضاوه ) لا حول و لا قوة الا بالله ، ليش دايما تفكيرك مادي و كانك تعاقبينه مع انه في نظري الى حد الان ما سوى شيء يستاهل كل هذا و كثر خيره انه صابر عليك الى الحين بالي تسوينه فيه.. و بعدين و ش رضوة هذا بعد تراها مهوب واجب..

( معاه مو معقول بعد سنه انا في بيت اهلي تراضيني بهذى القيمه ) حاسه أن هذا مهوب كلامك ، شكله فيه أحد يحرضك و مكبر راسك .. و انت و ش عليك من الناس و كلامهم هم بيعشون معك ، و انت الي بتطلقين بس ..

( لانه ما يستاهل الا اسوي له ) ممكن توضحين وش سويت له ،، حبيبتي انت ما بينت الزبدة من مشكلتك ، اذا انت تقولين ما صبرت الا شهرين و سنة في بيت أهلك متى أمداك تسوين شيء له ...

( من جد ابي حل شنو اسوي )
طبعا باقولك وش تسوين ، و انتي تتوقعين بخليك كذا ، اسمعيني زين سوي الي راح أقولك حرفيا بعدين علميني وش صار..
ـ قومي أخر الليل لوحدك و صلي ركعتين ، وادعي ربك بقلب صادق أن يفرج لك و يفتح عليك و ينير بصيرتك...
ـ أجلسي مع نفسك بعيد عن أي تأثير سواء من أخواتك و أمك أو حتى ولدك ، وفكري بعقلك و أجيبي على الاسئلة التاليه:
هل أنا مقتنعه بزوجي و الا لا ؟
ايش الي مهوب عاجبني فيه ؟
ايش الاشياء الحلوة فيه ؟
هل الموضوع يستاهل كل الي صار فعلا ؟
هل كل القرارات السابقة أتخذتها انا بنفسي دون أي ضغط أم كنت مردد فقط ؟
هل مدة شهرين كافية لكي أفهم زوجي و هو يفهمني ؟
هل قمت بمجهود كافي لحل المشاكل التي بيني و بين زوجي قبل ان تخرج للملا ؟
و أهم سؤال:
هل تحبين زوجك أو لا ؟
فكري جيد قبل أن تجيبي و زي ما قلت لك أبعدي عن أي تأثير مهما كان حتى ولدك..
ـ اتصلي على زوجك و أعزميه برى البيت و لازم تكونوا وحدكم و أجلسوا مع بعض و كل واحد يطلع الي في قلبه على الثاني دون أي عصبية أو أنفعال ، و حاولوا تحلو الموضوع بهدوء..
ـ أرجعي لبيتكم و صلي صلاة الاستخارة ، و شوفي و ش بيصير..
ـ و لا تتركين الدعاء ، الدعاء خاصة أخر الليل أن الله يفرج عليك.
ـ حبيبتي ارجع لحالك و انظري مدى قربك من ربك ، فان أكثر مشاكلنا من كثرت ذنوبنا..

اتمنى أن يكون كلامي خفيف عليك ، و ما تزعلين مني لاني بصراحة قلبي عليك و حاسة أنك ما تستاهلين الا كل خير ،، حبيبتي فكري في كلامي زين و لا تكابرين ، و أمك الله يخليها لك بس الحق حق.. مرة ثانيه لا تزعلين من كلامي ..

بنات راح أدعي لأختنا فايف فأمنوا:

اللهم سخر لها زوجها و سخرها له...
اللهم فرج كربتها و ازل همها....
اللهم أنر بصيرتها و كبر عقلها...
اللهم أحفظ أبنها و لا تحرمه منها أو من أبوه.
اللهم أهداها و اهداي زوجها ، و أفتح قلوبهم لبعض و أملئها بالمودة و المحبة لبعضهما..

آمين يارب العالمين ..

عزيزتي طمنينا عليك....

اولا

مشكووورين على المشاركة وبصراحة شعرت انى ودي ابكي لمى شفت ردودكم


عيون سعد
مشكوره حياتي بهالكلام

انتم كلكم فهمتوا كلامي انى مادية

طيب انا ما طلبت هذا الشيء الا علشان اعرف اذا فعلا يبيني او لا


انا مو عارفه شنو اقولكم بس والله العظيم هو ما يساعدني انا الا ادق كل مره ويقعد اسبوع واكثر ولا همه
احسه انه ما يبيني يبي يردني لولده بس

انا اخاف ارد وبعدين الاقيه مو متغير وهو جدا مقصر حتى تعامل معاي
ما حسسني انه يبيني حتى وانا عروس ما كان مهتم بوجودي مره ولا كانه كان يبي مره
واحس مو متلهف للمره بتاتا


بصراحة انا لسه جايه من السفر سافرت علشان اغير جو واعرف شنو ابي
بس انا سافرت بدون علمه

اقسم انى ما قصرت معاه وهو حتى يقول هالكلام بس ما يحسسني انه يبيني
وحتى الكلام الحلو ما اسمعه منه

انا فعلا تعبانه ما ابي طلاق وهمن تعامل معاه جدا جدا صعب