نفستي تعبانة

السلام عليكم ورحمة الله وبركاته

اخواتى انا متزوجة وعندي بنت عمرها سنة ونص مشكلتى ممكن البعض يعتبرها بسيطة لكن بالنسبة لى هم يوم عن يوم احس ان حالتى تسوء اكثر واقول يمكن بكرة انسي لكن بدوووون فايدة.
مشكلتى انى انا وخالى متزوجين من نفس العايلة لكن خالى طبعا اكبر منى بكثير هو متزوج اخت زوجي الكبيرة سنها من سن امي وانا متزوجة اخواها الاصغر عمرة فى بدية الثلاثين .خالى هذا دايم يتكلم على الناس و ابدا ما يرضي حد يتكلم عن بناتة للاسف ما احس انة خالى احس انة يكرهنى يتكلم عنى بسوء قدام اخوانة اللى هم خوالى انى مقصرة فى حق ام زوجي بحكم انى ساكنة معها فى ملحق وكلام كثير وانا انصدم لما اسمع الكلام من وراي ومن ممن يطلع من بيوت خالاتى الثانيات تصوري قلة الكلام انا انجرحت وسكت وحاولت انى انسي.
للاسف مرة ام زوجي كانت رايحة الحمام الله يعزكم وطاحت والله يهديها ما اتصلت على زوجي اتصلت اخت زوجي على الساعه 9 اللى هى زوجت خالى وبصراحة ما رديت لانها كانت معصبة على بنتها ما لى خلق من الصبح ادور عليها وبعدين ما فكرت انة فى شئ مهم لان لو في كان الخدم اجوا وخبروني المهم نحن ما عرفنا اللى الساعه 11 وعلى طول رحنا نشوفنها طبعا هذا الكلام ما زمان الحين اسمعة متكلم على قدام كل حد يعنى بالمعنى انا ما فيني خير بصراحة خلاص انا كرهت هذى العيشة مع هذا كلة انا ساكنة وغرفة وصالة وحمام كل علشان خاطر ام زوجي لو وحدة غير كان طلعت وبنتى طول الوقت معها ودايم امر ازوها حتى ولدها دائما انا اقولة انزل شوف امك واجلس معها .
اخواتى انا من اول من ملك على خطيبي وخالى يدخل فى اى مشكلة يسمعنى كلام مثل السم وكنت اسكت
بناتة ما يرضى حد يتكلم عنهم مع انهم يطلعوا من بدون عباية وحجاب وعمرنا ما ادخلنا لكن هو اول كان يدخل فيني لو شو طلع شعرنا امانة ايش اشوي بديت احس بالضيق كارهة كل شئ واولهم انى تزوجت من نفس العايلة وانا من طبعى اكرة تتدخل الاهل.
ودي ارجع بيت اهلى وزوجي ابدا ما يدافع عني