نفستي تعبت من زواج زوجي علي

احكيلكم قصتي انا بنت سورية عمري 26 عندي 3 بنات اكبر وحدة 8 سنين لما انخطبت لزوجي كان بابا بالمانيا وانا اكبر اخواتي وكنا عايشين بتركيا عم نستنى لم الشمل تقدملي زوجي وتزوحنا وبعد سنة سافرو اهلي كلهم ع المانيا
صارت مشكلة بيني وبين زوجي وكنا بسيارة واوضاع زوجي المادية كويسة طلقني وانا بسيارة معو وكانو بناتي بالمدرسة والصغيرة معي وكان هو الغلطان نزلني من السيارة واخد بنتي الصغيرة مني وتركني حرفيا بشارع اتصلت بعمي اخو بابا واجا اخدني عبيتو ضليت شهر عم قضيا بس عم ابكي لانو ماخلاني شوف بناتي يقلي لا بتاخديهم لا اما بتتركيهم واهلي ضغطو علي حتى اطلع لعندن ع المانيا بس انا كنت عم ارفض مابدي اترك البنات المهم بعد بشهر امي بعتتلي مصرات استاجرت بيت لحالي وفرشتو فرش مستعمل وجبت البنات لعندي بس البنات كانو يبكو بدن يرجعو لعند ابوهم لانو هنن متعودين عمستوا معيشي اكبر من قدرتي وكانو اهلي ببعتولي مصروفي ومصروف بناتي لانو ماكان زوجي يصرف عليهم وماكنا لسا مبلشين بالمحكمة قضيت شهرين تعب ونفسيتي تعبت ونزل وزني وصار 55 كيلو وبعد فترا رجع زوجي يتواصل معي وبدو يرجعني وانا كنت تعبت من المسؤلية ورجعت له بعد ماكانو اهلي رافضين بسبب انو طلقني وتركني بالشارع وبعد ما ارجعنا اعترف انو متزوج وحدة من سوريا وجاي عطريق لتركيا وقلي انو تزوجا ردة فعل عطلاقنا ومابحبا وانا حبو الوحيد كتير انقهرت وقررت كمل كرمال بناتي مع انو اخدا اكبر مني وصرلي هلأ 6 شهور ليلة عندي وليلة عند ضرتي بس بلشت اكرهو وماتقبلو مع انو اغلب الوقت عندي ومابحاكيا قدامي ابدا ويةميا عندي بس وقت بكون ليلة ضرتي بروح عند المسا وقت النومة وهالحكي من اول يوم وصلت فيه عتركيا بس عم اختنق منو وبناتي بروحو عند ضرتي لانو هي الي بدرسن بحكم مدرسة بناتي انترنشونل وهي انسة انكليزي فتعلقو فيها وانا عم بلش اكره بناتي وزوجي