نفسك ثم نفسك وبسسسس

نصيحه بنات
نفسك ثم نفسك وابوك وامك وبسسسسسس
اخوان خوات قسم بالله ماينفعونك
يمكن الغريب ينفعك واخوك اللي من لحمك ودمك
مو طاق لك خبر ولا يقهر الا بعض البنات لما يتزوجون
اخوانهم يقولون المره غيرته لا المره ماغيرته اخوك
اللي موب كفو
هذا اخواني عزوبين كلهم وبالثلاثين ولا واحد فيهم نفعنا
اقسم بالله العلي العظيم واحد من اخواني عمره٢٨
اصغر مني بسنتين كنت اقطع نفسي له
كل شي يجي ببالكم اسوي له ارحمه وابدي اهلي
على نفسي
اخوي هذا اشتغل بعيد وكان ينقص عليه مصاريف
سكن بانزين كنت احول له اشهر حافز حقي
واقوله مابيه حلالك دبر وضعك
يمكن فوق ١٥ الف عطيته كل شهر
احولك كل شهر اعطيه
بعد سنه
حصلت لي وظيفه عنده بنفس المنطقه
طلبت اني انا وياه ناخذ سكن ويكون قطه بيني وبينه
ورفض قال لا ماعلي منك ابي مع اخوياي انا!!
موب فاضي لك
اكلت تبن واسكت ورحت استاجرت سكن
طالبات كاني ماعندي احد بالمنطقه مسكر علي
بالسكن والروحه والجبه مع اوبر اكل كل راتبي
لو اقوله تعال ابي غرض او ابيك توصلني
المكان الفلاني يقول ماقدر بنام طالع بعيد عندي دوام
موب فاضي بالزحمه
اكلت تبن وسكت
لكن توصل انه يمنننننن علي حتى يوديني لاهلي
عمري بحياتي ماشفت انانيه مثله
هو جاي جاي لاهلي
للديره بس يرفض ياخذني كذا بدون سبب
يقول لا ماراح اووح او بروح مع ولد
يعني يبدي ولد الناس على اخته ينقل ولد الناس
ويودي ولد الناس لاهله وانا ساحب علي
امس نشبت له عشان ودي اروح لاهلي
بما اني اجازه اليوم الوطني وجلس يسب ويلعن
بواتس امي يقول لامي بجيبها لكم
لكن تدور احد يرجعها ماراح ترجع معي ترا
اقسم بالله بكيت من كل شي من قهري
ومن الاخ اللي ماينفع هذا وهو عزوبي كذا
هذا بكرا لو يتزوج وش بيسوي فينا؟
عمركم لانقولون الحريم غيرت اخواننا
هم الاخوان انانيبن الاغلب من طقت اخواني كل همهم
انفسهم يعني شوفو انا اخته
مايتصل حتى علي ولا يرسل
مايقول تبين شي محتاجه شي وانتي لحالك بالسكن
حتى الروحه معه لاهلي مستثقلني واركب معه وانا
ودي ابكي اكره اذل نفسي لاحد لكن هالمره مالقيت
مقل ولا قطار ولا طياره كل شي فل فضطريت اقوله
ودني معك والله اني راكبه معه ٤ ساعات صنم لما وصلت
الديره انا خلقه حساسه وادري اني ثقيله عليه
فتحسست زياده وساكته طول وقتي لاني عارفه
اني مو مرغوبه اجي معه😭