السلام عليكم ورحمة الله وبركاته
اهلا وسهلا باخواتي بنات عالم حواء حياكم الله
سبق وجاني سؤال من احد الاخوات في موضوعي تعلم الطبخ عن جريش قدر الضغط
وكنت وقتها ماجربته ولا حتى اقتنعت به لاني زمان جربته وماضبط
بس ذقته من يدين اختي روعه ماشاء الله الله يحفظها
فبعد هالسؤال قررت اني اجرب الجريش بقدر الضغط وبطريقتي
علشان افيد الجميع بمقدار معين لقدر الضغط
نبداء بالطريقه والمقادير :
يقطع البصل قطع صغيره ويحمس في القليل من الزيت
يضاف اليه ملعقه كبيره ملح + نصف ملعقه غيره بهارات + نصف ملعقه صغيره كمون + نصف ملعقه
صغيره ماجي ابيض + مكعب ماجي اصفر حسب الرغبه
واحد ونصف كاس جريش + نصف كاس رز مصري تغسل ثم تضاف على البصل
نضيف الماء ثلاث كاسات او اقل شوي + كاس ونصف لبن
عندما يبداء بالغليان يضغط القدر ونحسب من نصف ساعه الى ساعه الا ربع
على نار هادئه بعد مايطلع الصوت نهدي النار وهذا بعد مافتحته
يحرك الجريش بملعقة الجريش الخاصه اللي تكون خشب اعتقد معصاد او زي كذا اسمه
يوضع سمن او زبدة حسب الرغبه على الجريش
وهنا عند التقديم وزينته بكشنة الجريش ( بصل يقطع صغار ويحمس في القليل من الزيت او السمن
حتى يذبل ويضاف عليه رشة ليمون اسود وفلفل وبهارات ويترك حتى يتحمر
وممكن يترك حتى يكون لونه بني غامق وينشف )
صوره اقرب يمي يم :p اقرب طعم له هريس مطعم القريه الشعبيه
اذا تعرفونه من دون مبالغه مايفرق عنه رووووعه
وش رايكم بنات ان شاء الله حلو اتمنىة اشوف رايكم
ولو تجاربكم بعد اكون شاكره لكم اكثر
