نفسى اتعلم اعمل مكياجى

السلام عليك ورحمة الله وبركاته
دى على فكره اول مشاركه لى فى هذا القسم
الحقيقه انا عمرى ما حطيت مكياج كامل اكثر حاجه ممكن اضع روج وامسحه علشان ما يكونش باين:09:
المهم حاجه تكسف
تعرفوا ان لبسى ما بياخدش منى الا 10 دقايق بالكتير
حتى فى العمل ساعات بتروح على نومه يقوموا يتصلوا بى يصحونى عارفين انى مغرمه بالنوم
ويكون فاضل على حصتى ما يكملش 15 دقيقه ( انا مدرسه بالمناسبه ) اتحضر والبس واوصل المدرسه فى خلال الربع ساعه دى يقوم زميلاتى تستغرب ازاى ؟؟؟؟
الحمد لله ( ما بأمجدش على نفسى والله العظيم ) هى نعمه من ربنا فى الاول والآخر
بس انا على قدر من الجمال لا بأس به يمكن مليانه شويه بس الحمد لله حتى زميلاتى بيبقوا يعلقوا على كده ويقولوا ما هى مش لازم لها مكياج علشان تتأخر وتعمله
نعمه ربنا يديمها على
لكن لما بأحضر حفله مسائيه واروح من غير مكياج بصراحه باكون متضايقه لان البنات كلهم بيبقوا عاملين حاجات جميله والاضاءه مجملاهم اكتر
ومش عايزه اروح للكوافيير لان العاملين فيه غالبا رجال وحتى لو فيه بنات بيكونوا متواجدين معاهم رجال وانا مستحرمه الموضوع ده
اعمل إيه ؟؟؟؟
معلومه : لم ازيل شعر الحواجب ولا شعر الوجه حتى الآن
بس بيقولولى لازم تضبطى حواجبك علشان تعرفى تعملى مكياج
شعر وجهى الحمد لله مش باين خالص وحواجبى رغم انهم مش وحشين لكن فيهم كام شعره بعيد عن المكان ضالين طريقم يعن بس برضوه مستحرمه اشيلهم
مين تساعدنى بقى وتقولى اعمل مكياج ازاى ؟؟؟؟؟؟