نفسيا تعبت من قلب من زوجي

السلام عليكم ورحمة الله وبركاته

اخواتي بختصر الموضوع لان راسي خلاص تعبت
اول حاجه زوجي عصبي مرره وسبق لي زمان نزلت مواضيع عن عصبيته
اشوفه يوم يومين يهدا ويرد اعظم
لي خمس ايام ماكلمه بسبب عصبيته عليي واسم ينقال تفاهمت معاه ان رجع وحرجني جنب اهلي وعصب علي او جنبي او جنب بناتي خلاص مراح اكلمه بتاتا قلت له ياتختار طريق العصبيه والزعل والمشاكل الى اخره او تختار طريق انك تحاول تحسسني بحترامك لي
لان للاسف اول سنتين زواج حيل الحب والدلال ومن بعدها عصبيه ودايم يفزع علي ومايحب يجلس يتفاهم يتهرب اتعب ولنا الان قريب بنكمل خمس سنوات
بعطيكم مثل اليوم الصباح الساعه تسع كلمته يجي يفطر وبوديني المعهد مع العلم المعهد وقته على الساعه عشر واحيانا اطلع عشر
قال اوك قلت خل اكلم اختي شصار ع شقتهم لان بينقلون وحيل نفسيتها تعبانه المهم تو اكلمها وبدخلته ماسمع الا صوت الصراخ ليه ماصحيتي بناتج جالسه لي ه الجوال يلا بسرعه سكري وهو يفزع بصوت عالي حتى بنتي الصغيره اخترعت وصحت واختي تقول شفيه سويت روحي اكمل اياها ماكني اشوفه مشان يحس شوي ع دمه لان مب اول مره من يشوفني اكلم خواتي يفزع
صار يستصغرني مايحترم وبرضو لجل اكون ع بينه انا مثله صرت يفزع افزع وياه احيانا اتعب اسكت اخليه ع راحته واحيانا اطب فيه طقت كبدي زعل طلع وقال وراه شغل وحاله طيب انا مدري كان جيتني بسلوب مو يطب فيني طب ويحرجني
خلاص انفقد الاحترام بينا والله طلع وقلت مابي الهم ياكلني لان تو ماصار لنا ثلاث ايام تراضينا وانقلب قمت وقومت بناتي وحده بعمر ثلاث سنوات ونص والثانيه سنه وتسع اشهر فطرنا ورتبت الشقه وسويت الغدا وبسطت وياهم وجا صلى وطلع ماكنه يشوفني وانا كذلك عايشه جفاف وياه خلاص حده اذا كلش بيقرب لشاف الكشخه واللبس ولا اذا لخاطري يراضيني ولاشيء
قلت بسكت مابي اكلمه كيف احسسه بغلطه تعبت مشكلتي لتراضينا اقول بخف عنه مابي اسولف حيل معه وتشوف نفسي فجأه لق لق وياه واهو يستمع حده اذا بينطق كلمه كلمتين مع ان طبعه كثير كلام بس مع غيري لان مالي احد انا بمنطقه بعيده عن اهلي