نفسية زوجي 💔

السلام عليكم ورحمةة الله وبركاته ..

أخخبآركم صبايا ❤️..

بنات انا زوجي كان مدمن حشيش (الله يهدي شباب المسلمين )
وبنفس الوقت كان تعامله معاي شي ما يوصف ..
يدخل الشقه يدورني ومن يلقاني تبدا عنده الرومنسيه
والله من يكون عندي ان وقتنا كله ضحك ..

وبحكم انه مايحب الطلعات كنت مرات احن عليه من هالناحيه
والوضع عادي يقلبها ضحك ونضحك ونستانس

ووقت النوم لازم مع بعض ..


والحين بفضل الله والحمدلله حمدا كثيرا طيبا مباركا فيه ملىء السماوات وملىء الأرض
وملىء مابينهما .. ترك الحشيش وماصارله الا كم يوم يعني فترررررره قصيره جدا

لكن تغير علي 180 درجه ..
صاير دايم كسول وخملان وماله خلق يسولف

والله يدخل ولا يجيني ولا يسلم علي
يقعد ويتفرج ع التلفزيون وانا قاعده بعيد عنه وهو عادي!!
اذا تكلمت مايسمع لي ويجامل برده
ومرات مايرد ..

ومن ابسط شي يعصصب

بنتي مزعجه بشكل 💔..
الحمدلله وديتها لاهلي قبل امس بحكم اني اختبارات ومضغوطه .. وعشانه نفسيته مره وحده ابيه
يجيً البيت وماينزعج ويرتاح

لكن نفس الشي 💔
نفسيته زي ماهي ماتغيرت

انا خايفه يطفش ويرجع للحشيش مره ثانيه !!


بنات الله يجزاكم خير الي تعرف مدمن وهداه ربي
ياليت تفيدني شلون كان اسلوبه وتصرفاته !!

وش اسوي معاه بهالحاله ابي اشجعه واكون واقفه معاه ؟؟

للعلم انه مايدري اني ادري انه يحشش ولا عنده خبر اني عارفه انه قطع الحشيش وتاب


عسى ربي يثبته ويبعد عنه عيال الحرام وبنات الحرام واسبابهم وطريقهم ..