نفسيتي تحطمت وصحتي تدهورت وبيتي بينخرب بسبب جسمي وجهلي تكفون ساعدوني

قبل أبدا ماأبغى رد قاسي لاني كفاية متحطمة مشكلتي 1جسمي قبل الزواج كان رشيق والكل يمدحة بس مشكلتي الظهر والارداف كانت مسمرة شوي وباقي الجسم فاتح قلت عادي طبعا هدا صار بعد البلوغ تقريبا لاني أخيراً صارحت ماما قالت ماكنتي كدا
2فالثانوي زاد وزني فجئة من الاسفل فقط قلت عادي ومهتمة بدراستي وبس ولان ملامحي حلوة ثقتي بنفس عالية 
3سمعت عن كريم لازالة الشعر وسرت استخدمة وامي :mad:تقول بيخلي المنطقة سمراء وانا بكل براءة :04:
عادددي اهم شي نظافة بدون الم ولاني بعد ماني مصدقة حكاية السمار قلت امي خايفة عشانة مواد كيميائية
ومصدقت وتركتة الابعد ماتفحمت المنطقة :44: وماعلمت امي
4والعريس:arb: جاء فجأة وامي تجيب خلطات طبيعية لللزيادة النعومة والبياض وانامااهتميت ابد لاني كفاية اني حلوة وقلت هادي الاماكن مالة صلاح فيها رغم ان امي قمة في السنع والاهتمام بنفسها لابعد الحدود ماشاء **** عليها وحواليها
5 طبعاً حاولت تفهمني بكل الطرق انة كل جسمي حلالة وبيشوفة هي قصده بس تعلمني ماتدري عن البلاوي وانا ماني حولها ابد ولااهتميت
6 تم العرس وزوجي فالبداية ماعمرة احرجني بس بعد فترة فهمت كل شي وسرت انحرج جدا جدا :44:
7الي كملها اني كنت احمل حمل ضعيف 3مرات متتالية واستخدم مثبتات وابر كلها هرمونات نفخت كل جسمي:44:
وفي الاخير يموت الطفل فالشهور الاخيرة والفرحة ماتكمل
8النتيجة حزن شديد:icon33:وجسم مترهل وسمين جدا خاصة من الاسفل لانة فية زيادة بسيطة من الاول وحتى سيقاني مترهلةواباط مسمرة قليلا تشققات حمراء حول البطن كرشة مترهلة زنود ممتلئة وهالات سوداء سواد بين الفخدين لاتنسو السواد الموجود من الاول
طبعا ابغى مساعدتكم بكل ماتعرفونة من اخصائيات جلدية وتجميل وكريمات واي نصيحة لاني جدا متفشلة من زوجي وبنفس الوقت ابغى الطلاق لانة بدى يدق بالكلام وبنفس الوقت مايبغى يعالجني رغم اني قلت لة لاتدفع ولا ريال بدفع من فلوسي المتواضعة ومن دهبي
9 وبالنسبة للحمل ربي عوضني اخيرا بتؤام فرحو قلبي
تكفوووون ثقتي بنفسي مهزوزة قدام زوجي تصدقون جماعة زوجي كلهم ماتلقين فيهم وحدة سمينة وصارو ياخدون راحتهم فاالبس  والالوان وعلى الموضة واخوانة صارو يتريقون رغم انة ماشافوني وسلفتي تقول بشماتة تنفختي وزوجها يقولها لو تخنتي لرجعك بيت ابوك طبعا هي مطمنة لانها جسمها ماتغير ابد بعد الولادة
:44::44:واشياء كثيرة تقهر مابطول عليكم اكثر من كدا
واخير انا الان عارفة وفاهمة فكل شي وللة الحمد واحاول اخفي عيوب جسمي ساعدووووني ومعلومات مهمة اني شهيتي معدومة يعني الحل مو رجيم