نفسيتي تعبانة بسبب ولدي

السلام عليكم ورحمة الله وبركاته

اتمنى من كل ام او طبيبة تقدر تساعدني ما تقصر الله يجزاكم خير

ولدي عمرة خمس سنوات
قبل 4 شهور ولدي كان طبيعي في نطقة جدا ينطق الكلمات بدون تعب او تاتاه

هو من صفاته انه عنيد واذا ضربته ما يبكي بسهولة بالعكس يجلس يناظرني بعيونه

ما شاء الله بالنسبة لاخوانه الثانيين شكلة مميز عنهم

اللي يشوفه اول مرة يقول ولد هادي جدا ومطيع <<< ملامح وجهه توحي بكذا

لكنه عكس هذا الكلام شقي ومؤذي بالضرب لجميع اخوانه الله يهديه ويصلحه

هو ترتيبه بين اخوانه الرابع من حوالي شهر الولد بدء يتأتأ بالكلام في البداية بشكل بسيط
وتطورت الحالة الان الى وقت اطول في نطق كلمة واحدة


بسبب كثرة مشاكلة مع اخوه الصغير قلت اسجله تمهيدي ممكن لسانه يعدل شوي ويتعلم الحروف ويفرغ طاقة خلال النهار

لكن مع الاسف الموضوع زاد سوء

واللي صار عكس اللي توقعته من شقاوة ومن كلام

رحت لمدرسة ولدي اليوم وسالت عنه قالت معلمته انه ابدا ابدا ما يقرا معاها
وابدا ابدا مو حافظ ولا سورة
مدرسة القرائة والرياضيات نفس المشكلة قالت

والله انه حافظ لكن ياخذ وقت بنطق الكلمة
وفهمت المعلمات هذا الشي لكن بدون فايدة

وكمان قلتلهم شكي بان الولد فيه عين علشان يساعدوني

لكن بكل بساطة قالت معلمة القران انا عندي طلاب غيرة ما باجلس مع ولدك واترك الباقيين

ومدرسة القرائة والرياضيات حسيت انها تفهمت ووعدتني تاخذ بالها منه


قولولي هل اللي في ولدي مرض ام عيين


واعطوني حلول لانه نفسيتي سيئة جدا كل ما جبته احفظة قران اتعقد انا

اه في اول ايام كانو اخوانه بيضحكو عليه وهو بيقرا وانا كنت اهاوشهم واحيانا اضربهم
وحاليا صرت اطردهم من الغرفة اللي اكون جالسة فيها علشان اخذ راحتي معاه في التدريس

لكن وقتي بيضيع على الفاضي

كمان لازم اعطي من وقتي لاخوانه الثانيين واتابعهم في دراستهم


خلاص تعبت بانجن ماني عارفة الاقي حل:44:


اتمنى انكم تساعدوني