بسم الله الرحمن الرحيم
شخباركم عساكم طيبين
والله يا خواتي انة اعيش في دوامة ونفسيتي تعبانة بشكل غريب والسبب طفولة تعيسة الين ما كبرت وانا اعاني من القهر والاضطهاد والحسرة
انة يتيمة الابوين وانا اصغر اخواني وربتني وحدة غريبة عنا اعتبرتها كل شي بس هي لا مااعتبرتني شي
تكرهني كره العما
هي ما تزوجت وانا تزوجت وهالشي كبر كرهي في قلبها
اي كلمة قذرة حاقدة سيئة تقولها بلارحمة ولا انسانية وانا على بالي انها امي وتحبني وانا اعتبرها امي بالضبط الا اكثر وهي تعتبرني اني سرقت منها شبابها سبب عنوستها
تفضل الكل علي
تدوسني بلارحمة انا جدا اتألم لأن أمي تسوي فيني جذي
واخواني نفس الشي ماعشت معاهم وهما بعضهم يكرهوني والبعض سلبيين ما يهتمون فيني مت او حييت ولا يوجبوني بشي
ونظراتهم لي حقيرة وكلها احتقار وكلامهم لي من ورا خشمهم
والسبب ..!!! اني بلا أم ولا أبو ولا عشت معاهم ولا يحسون اني اختهم ولا هي تحس اني بنتها وانا ضايعة في وسط هالدوامة والمشاكل معهم وايد بهالسبب
انا نفسيتي مثل الجرة المكسورة المتحطمة نتفة نتفة
وجهي بشوش وكله اسولف واضحك واحب الوناسة
اعيش حالة تناقض غريبة
صرت لا ابالي ولا اهتم بمشاعر الاخرين
صرت احب الكلام الحلو احب اقوله واحب ينقال لي
احب اطلع وايد واسمع اغاني وكل اللي اسمعه طق وردحة وصراخ ماحب التعاسة والاغاني الحزينة لاني اكتئب اكثر
نفسي مو قادرة تهدأ
اعرف ان الاغاني حرام بس
نفسيتي مضطربة جدا جدا جدا
وقسم بالله اني كل يوم اموت من الداخل ولا اعرف لنفسي حل
يعني تدرون اني بلاكرامة عندهم
الشتيمة ببلاش
لو اموت محتاجة شي تنصك ابوابهم عني
عادي كلش جدامي يقولون نور نكرهها ما نحبها
وعيالي يحتقرونهم بعد ويحتقرون زوجي
صج زوجي يحبني يموت علي وربي مسخره لي
والحمدلله على هالنعمة بس نفسيتي تعبانة ومضطربة من الداخل
مهما تظاهرت بالفرح يبقى القلب مكسور وحزين
كل الحزن له وقت وينتهي الا حزني من فتحت عيوني على الدنيا الين اليوم
يارب رحمتك فيني
ودعائكم لي بان الله ينصرني على هاللأم الظالمة اللي بلارحمة ولا قلب
وانة اواصلهم علشان لا يكتب ربي علي اني قاطعة رحم
لا حول ولا قوة الا بالله العلي العظيم
@نور البحرين@ @nor_albhryn_3
عضوة فعالة
يلزم عليك تسجيل الدخول أولًا لكتابة تعليق.
حبيبتي الله يبعد هالتعب والهم عنك قولي اميييييييين بس تذكري دايما
صحيح انك يتيمة بس تذكري ان الله معك ومارح يخليكي ابدا . الللي يخلقك ما يضيعك يا قلبي
انتي قلتي انك تسمعي اغاني صدقيني مافي شيء يضيق القلب ويزيدك هم على هم اكثر من سماع الاغاني انتي تقولين انك رح تستانسي لما تسمعي بس المشكلة انه العكس
اختي اتقي الله في نفسك وانتي مو اول وحدة ولا اخر وحدة يتيمة احمدي ربك انك تزوجتي وزوجك يحبك بعد
تخيلي حياتك مليانة قهر مثل ما حكيتي واضيفيلها انك مو متزوجة بالله كيف رح تكون حياااتك
حبيبتي اتقربي من الله ونحنا هلا في شهر رمضان اقيمي الليل بالصلاة وقراءة القران ولا عاد تسمعي اغاني ابداا
امك اللي ربتك احسني لها مهما عاملتك بسوووء واعذريها لانه مهما كان صعب عليها تشوف بنتها تزوجت وهي لالا واخواتك كمان حاولي تتقربي منهم وامشي على حسب طبيعتك الطيبة لا تتصنعي الشر او تعاملي الناس ببرووود
ارجعي لطبيعتك وكوني طيبة وان شاء الله كل شيء رح يتصلح
واكثري من الاستغفار يا قلبي والله انه حل لكل المشاكل باذن الله
الله يكون بعونك ويرفع عنك هالتعب ويفرج عنك الهم ويعطيك ما تريدين
صحيح انك يتيمة بس تذكري ان الله معك ومارح يخليكي ابدا . الللي يخلقك ما يضيعك يا قلبي
انتي قلتي انك تسمعي اغاني صدقيني مافي شيء يضيق القلب ويزيدك هم على هم اكثر من سماع الاغاني انتي تقولين انك رح تستانسي لما تسمعي بس المشكلة انه العكس
اختي اتقي الله في نفسك وانتي مو اول وحدة ولا اخر وحدة يتيمة احمدي ربك انك تزوجتي وزوجك يحبك بعد
تخيلي حياتك مليانة قهر مثل ما حكيتي واضيفيلها انك مو متزوجة بالله كيف رح تكون حياااتك
حبيبتي اتقربي من الله ونحنا هلا في شهر رمضان اقيمي الليل بالصلاة وقراءة القران ولا عاد تسمعي اغاني ابداا
امك اللي ربتك احسني لها مهما عاملتك بسوووء واعذريها لانه مهما كان صعب عليها تشوف بنتها تزوجت وهي لالا واخواتك كمان حاولي تتقربي منهم وامشي على حسب طبيعتك الطيبة لا تتصنعي الشر او تعاملي الناس ببرووود
ارجعي لطبيعتك وكوني طيبة وان شاء الله كل شيء رح يتصلح
واكثري من الاستغفار يا قلبي والله انه حل لكل المشاكل باذن الله
الله يكون بعونك ويرفع عنك هالتعب ويفرج عنك الهم ويعطيك ما تريدين
جزاك الله خير يا دوامة المحبة على نصحج وكلامج الطيب
بس مو مني هما اللي غيروني
ان صرت انانية ومغرورة وبللا قلب احس اني اانتقم لنفسي واريح اعصابي
لأن كثر العطا وانا مالقى الا الجفا والاحتقار يزيدني قهر
تدرين وقسم بالله العظيم يحبون يشوفوني ضعيفة مبهدلة ضعيفة شخصية
علشان جذي انة على طول لازم اكون مستعدة لتحمل صدماتهم لي
على طول لازم كاشخة ولابسة علشان لا يشوفوني بنظرة اني تعيسة وتزداد سعادتهم وشماتتهم
وقسم بالله العظيم البشر اللي حواليني قلوبهم متحجرة ما مر علي مثلهم
صعب اوصفهم
اللي ابي اغيره فيني ابي اشيل القهر من قلبي وروحي
لان القهر احساس كريه وهالاحساس عايش فيني ليل نهار
يخمد شوي ولكن لا ينتهي وفجأة تلقيني ابكي وابكي وابكي بدون سبب
انة اعاملهم باللي يرضي رب العالمين ولكن القلب واقف ناحيتهم
انة ابي ارتاح من الداخل
ودي ارتاح واشيل الثقل اللي على قلبي
واحس اني حرة من الداخل
بس مو مني هما اللي غيروني
ان صرت انانية ومغرورة وبللا قلب احس اني اانتقم لنفسي واريح اعصابي
لأن كثر العطا وانا مالقى الا الجفا والاحتقار يزيدني قهر
تدرين وقسم بالله العظيم يحبون يشوفوني ضعيفة مبهدلة ضعيفة شخصية
علشان جذي انة على طول لازم اكون مستعدة لتحمل صدماتهم لي
على طول لازم كاشخة ولابسة علشان لا يشوفوني بنظرة اني تعيسة وتزداد سعادتهم وشماتتهم
وقسم بالله العظيم البشر اللي حواليني قلوبهم متحجرة ما مر علي مثلهم
صعب اوصفهم
اللي ابي اغيره فيني ابي اشيل القهر من قلبي وروحي
لان القهر احساس كريه وهالاحساس عايش فيني ليل نهار
يخمد شوي ولكن لا ينتهي وفجأة تلقيني ابكي وابكي وابكي بدون سبب
انة اعاملهم باللي يرضي رب العالمين ولكن القلب واقف ناحيتهم
انة ابي ارتاح من الداخل
ودي ارتاح واشيل الثقل اللي على قلبي
واحس اني حرة من الداخل
الحياه لاتخلو من المنغصات لانها دار ابتلاء ونحن كمسلمين عندما نقرا في القران سيره الانبياء والمرسلين وكيف انهم كانوا اشد الناس ابتلاء ندرك اننا ان ابتلينا ميزنا الله ليكون عطاؤنا لمن حولنا اجمل ونظرتنا للحياه اجمل لاننا نشعر بالام الاخرين والحياه حياه القلوب وحتي يذهب مافي قليك سامحي من كل قلبك من اساء اليك وادعي له بالمغفره وداىئما قدمي حسن الظن بالناس وتصدقي علي الايتام والفقراء ليذهب الله همك
الله يهديك بس اذا انحرمتي من الام والاب ربي عوضك بزوج واعيال خلاص ايش تبين بعد
حياتي لازم تكونين قنوووووووعه ووراضيه لازم ترضين يقسمة ربك لك
لازم تتقربين من ربك صدقيني هذه الفوز والفلاح وربك كبييييييييييييير
حياتي لازم تكونين قنوووووووعه ووراضيه لازم ترضين يقسمة ربك لك
لازم تتقربين من ربك صدقيني هذه الفوز والفلاح وربك كبييييييييييييير
الصفحة الأخيرة
ان ما عدت اهتم بالمبادئ في الحياة
عادي اي كلمة اقولها
الشي اللي ما يعجبني صرت اقطه في الوجه ولا افتكر
زعلو والا ما زعلو رضو والا ما رضو
دايما اقول محد يهتم فيني انة بعد ما اهتم الا في نفسي ومصلحتي وزوجي وعيالي
ودايما اداري عيالي ونفسياتهم مابيهم يتألمون مثلي
دايما اضمهم واحضنهم وادلعهم واطلعهم واحسسهم اني امهم وانة موجودة علشان احميهم من الصدمات
انا ضد الصدمات صرت ما حس ان احد غلط علي او نقص قدري
صرت مغرورة في نفسي وانانية
اتلصق في اللي ربتني ولا افتكر في زفها علشان مصلحتي بس
بس في النهاية انة مو جذي ولا احب هالعيشة
لاني انسانة طيبة جدا واحب الخير ويا ما سويت خير وانقلب علي شر
يعني اللي ربتني تخيلو اني اذا اعطيها الشي تحذفه في وجهي او تعطيه احد غير او ترده عقب كم يوم!!
الين كرهت اعطيها شي
ان اتصلت زفتني اشتبين وان ما اتصلت قالت لي انتي قاطعة !!!
الين كرهت اتصل لها
اتصل بس علشان لا كون قاطعة رحم!!
ان بغيت اعطيها شي
فلوس او هدية لازم امسك اعصابي واقوي قلبي واخذ نفس عميق وبقوة اعطيها واتقبل الصدمة اللي بتييني
(انتي اش يايبة لي احد يجيب جذذي انة مالبس هلون) (او تعطيه احد بنفس الوقت)
هي وايد طيبة وحنونة وحبوبة مع الناس بس وتحت الف خط مع الناس
ولكن معاي انة هي وحش بشري
اسلوبها مؤلم حد الموت
حسبنا الله ونعم الوكيل
ادعولي ربي يفرج لي همي ويبشرني باللي انتظره ولا تشمت بي عدوا ولا حاسدا