نفسيتي تعبانه .. ابي شوركم يالغاليات ..

صباح الخير ..

اخباركم يابنات ان شاءالله بخير ..؟

كاتبه هالموضوع لان نفسيتي من جد تعبااانه وودي افضفض واشكي لاحد ..

انا يابنات تزوجت بالصيفيه والان ولله الحمد حامل ( ماشاءالله ) ..

والحين زعلانه من زوجي وجالسه عند اهلي وهو ماعبرني ولا حتى يتصل او يتعذرر مني ..

السبب اني تهاوشت انا وياه ع سبب تافه وانا عصبت وقلت له ابي اروح لبيت اهلي قال بكرا اوديك ((على باله بزورهم )) قلت انا بروح خلاص لم اهلي وقام جلسني وجلست قال انتي ماتبيني قلت ايه مابيك قال اجل خلي احد من اهلك يوديك وان طلعتي لاترجعين (( والله يابنات مادري شلون طلعت هالكلمه مني )) بس وربي كنت تعباااانه ونفسيتي زفت بسبب الحمل والوحام ..


انا يابنات والله ندماااااااااااانه ندمااااااااانه جدا على اللي سويته لان زوجي حنووون وطيب معي واي شي ابيه يجيبه لي بس انا غبيه ماحافظت عليه ..

الحين انا ودي ارجع له بس هو مادق علي ولا جاء لم ابوي يكلمه ولا شي امه اتصلت تبي تحل الموضوع وتقول انه معند ويقول انا ماغلطت عليها عشان تطلع وتاخذ اغراضها من البيت .. بس انا صعبه ارجع وهو ماجاني ولا دق علي ولا جاء حتى لابوي ..


واللي يعذبني اكثر ان اشوف اختي صارت تهتم بزوجها بعد سالفتي وانواع المديح والغزل فيه قدامي مع انها مااكانت كذا .. انا مو حاسدتها الله يهنيها بس هالشي يعذبني كثيرر لان زوجي اطيب اطيب بكثير من زوجها بس انا ماحافظت عليه ...



بنات شوروا علي تكفووون وش اسوي والله تعبانه مررره والدمعه بس بعيوني ودي ارجع لزوجي ..

تهقون اكلمه او ارسله رساله بالجوال ولا لا ..؟ اخاف اسويها بعدين يشوف نفسه علي لاني انا طلعت وانا اللي رجعت له .. ولا اصبر لين يجي ...؟؟ بس اخاف مايجي

وانا والله مداومه ع الاستغفار والصلاة والدعاء وقراة القررررران ...


تكفون يابناااات ادعوا لي ان ربي يهديه ويلين قلبه ويرجعه لي يااااااااااااااااااااااااااااااارب ...