فتاة مختلفة @fta_mkhtlf

عضوة جديدة

نفسيتي تعبانه لان امي بعيدة عني

السلااااااااااام عليكم

بنااااااااااااات داخله على الله ثم عليييييييكم تساعدوني

بقولكم قصتي كامله انا بنت مثل اي بنت تبي تسعد امها وتفرحها لكن ظروفي في حياتي صارت صعبه كثييييير مرضت بالعين والحسد وسحر مأكول ومشروب بدت معاناتي من يوم كنت باول ثانوي وانا مريضضضضه والسبب وحده حسبي الله عليها الله لايوفقها لاهي ولا امها انا ماكنت اعرفهم تعرفت علي بالمدرسه وطلع ابوي يعرف ابوهم وام البنت من نفس منطقة ابوي وكانت الام تبي ابوي يتزوجها قبل بس ابوي ماقتنع فيها وجا المدينه الي فيها امي يكمل دراسه وتزوج امي ومررررت الايام وابوي تزوج وجابني وانا في المدرسسه متفووووقه كنت ودايما يكرموني الطالبه المتفوقه والمثاليه والبنت هذه كانت تشوفني بالطابور اني اتكرم وسبحان الله كانت معاي وحده بالفصل صديقة هذه البنت ومررررره جات فصلي البنت وانا كنت واقفه عند الباب وقالت لي انتي فلانه بن فلان الفلاني؟ قلت لها وشدراك قالت قلت حق ابوي وامي وقالوا يعرفون ابوك قلت اهلا وسهلا طبعااا رحت قلت حق ابوي تعرف الناااااس ذولي قام ابوي وقال ايييييييه ورحب فييييهم وقال ذولي مساكين على قد حالهم وطيبين<<<مسكين ابووووي والله على نياته المهم وبدأت رحلت الحقد معاهم صاروا يعزموني وانا اقول حق ابوي وابوي على طول يوافق لانه يعرفهم ورحت عندهم وكل مررره اروح اتعشا واكل واشرب من عندهم ليييييين صرت تعلق فيهم زياده وصرت لازم مايمر اسبوع الا عندهم امي شكت شفيييييك؟ وابوي يووااافق وامي تقول لا توك جايه من عندهم من اسبووووع وانا اعصب على امي واصارخ عليها عشان ابيهم وهذا كان اثر السحر مأثر علي وحالتي تدهورت وفشلت بدراستي ودرجاتي نازله<<<يبوني اصير اسوء شيئ كل هذا انتقااااام من ابوي عشان ماتزوجها علاقتي في امي زي الصديقات صرت اكره امي واكره كل شيئ حولي وكرهت نفسي حتى لين يوم من الايام قمت صليت قيام الليل ودعيت ربي يكشف مافيني وصرت اتحلم وارى رؤيا ذاك اليوم ان البنت لابسه عبايتي بالمدرسه وانا اقولها عطيني اياها وتضحك وفسرتها عند الشيخ قالي جيبي نفس العبايه الي شفتيها بالحلم واتفحصيها طلعت عبايتي قاصين منها من جهة الاباط قال الشيخ الناس ذولي مأذينك وبعدين اتحلم ني شارب سم ورجعته وكان في بيتهم الحلم وفرته قالي هذولي الناس شارب من عندهم سحر مشروب وعليك بالرقيه بدأت رحلة العلاج سنتين وتحسسسنت ونقلت من المدرسه الا فيها البنت وقطعت عنهم وغيرت ارقامي والحمدالله تفوقت بثالث ثانوووي وطلعت طالبه مثاليه ونسبتي زينه ولكن كانت تصير لي ظروف ثانيه اني اموري كانت تتعسر المهم كنت انا ابي اتعالج واصير زينه عشان احقق حلمي وحلم امي واصير شيئ مفيد بالمجتمع وقدمت على كل الجامعات والحمدالله انقبلت في معظمها ولكن ماجاني قبول بجامعه بنفس منطقتي ولكن في جامعه بنفس المدينه الي انا فيها لكن التخصص الي ابيه ماكان موجود فيها انا احب امي وامي مالها غيري ياخلق الله وربي امي عانت مع ابووووي ابوي لعاب حق حرييييم ضيع فلوووووسه امي عانت مع اهلها واااااااجد مسكينه امي تحبني انا كثير وماجابت غيررري وتعبت بحياتها لييين وصلتني لهذه المرحله لو الله ثم امي ماكان انا وقفت على رجووولي الي متعبني الحين اني درست الحيييين بالجامعه البعيده عن مدينتي وتبعد مسافه 14 ساعه بالسياره وبالطياره ساعتين وقاعده بسكن واشتاااااااق حق امي كثيييييييير والله وانا امثل قدامها اني زينه وانا تعبت لدرجة رسبت بمادتين ومن شروط جامعتي لو رسبت بمادتين مادخل طب وربي تحطمت احس اني ماسويت شيئ حق امي احس احلامي ضاعت احيانا احس بالذنب اني رحت بعيد عنها وربي كانت تقولي ادرسي بالجامعه الي بالمدينه وادخلي اي تخصص مو لازم طب اعرف امي تبيني قريبه جنبها ونفس الوقت قالت انا ابيك تدرسين حق نفسك وتنفعين نفسك مابي احد يذلك في يوم من الايام مسكينه تواسيني وتقولي معليش ربي راح يفرجها علييييييك انا الحين مارحت المدينه الي فيها جامعتي غايبه وبداوم الاسبوع الجاي وخلاص رحلتي الجمعه واحس بغصه ماودي اترك امي هنا لحالها امي الحين متالمه اني برجع بس تسوي نفسها قويه وهي تفكر امي هي الي عطتني الامل بالحياة وهي الي حليه الدنيا بعيني لو الله ثم وجودها بحياتي يمكن انعدم واموووووووت احبببببها وابي اسوي لها المستحيل عشان تفرح فيني وتستانس ابيها تفتخر فيني قدام كل العالم لكن احس ماسويت شيئ خفقت بجامعتي هالسمستر وهي تقولي مو زعلانه عليك بالعكس هذه اول مرحله لك بالجامعه لكن هي تواسيني انا متضايقه اني بتركها وبروح تألمت كثييير عن فراقها الغربه صبه بس عشان نفسي وعشانها ابي اصير قوووويه يابنات مابي امي تحس بضعفي امي تستمد قوتها مني ابي اصيير قوووووويه الحين صار الوقت الي هي تعتمد علي مو انا اعتمد عليها ابيها تتطمن امي دايم تحاتيني كثير احس اني فقدت الامل بكل شيئ ابي اسوي شيئ لمستقبلي انا وامي مابي اعتمد على ابوي امي تشتغل بس راتبها قليل مقارنة باراتب ابوي عااااااالي لكن كله ضايع بالحرررام الله يهديه بناااااااااااات ابي منكم المساعده ابي احس بالفرح ابي مااحز لكن انا حزينه لان امي بفترة الدراسه تكون بعيده نفسي يكون هذا الشيئ عادي بس مقدر كل اصحى واقوم وانا ابكي محد يطبخ لي محد يتغداء ويتعشى ويفطر معاي؟ محد ينام معاي محد اسولف ممعاه هي لحالها تجلس مسكينه بس نكلم بعض بالتلفووون وربي كل شيئ يذكرني فيها رغم لي 4شهور مغتربه واجي بالاجازات لكن ماتاقلمت للحين عالوضع الي اانا فيه سااااااااعدووووني يابنات

يلزم عليك تسجيل الدخول أولًا لكتابة تعليق.

تسجيل دخول

فتاة مختلفة • 13 سنة

رفع

فتاة مختلفة • 13 سنة

شدعوى 20 مشاهده ولا رد

صمت السعادة • 13 سنة

حبيبتي انتي الله يبعد عنك كل أذى طيب ليش ماتحولين بالمدينة اللي فيها امك
صدقيني نفسيتك اهم شي عشان تتفوقين وتنجحين وترتاحين
هالسمستر خليه لك تجربة بعدها قرري
ياحبي لها أمك ماعندها إلا أنتي أستخيري وحولي عندها
الله يوفقك ويشرح لك صدرك ويسر لك كل أمورك
ويخلي لك أمك ويحفظكم جميع ...

أم نـورهـ • 13 سنة

الله يلوووم الي يلومك بس انا انصحك تطيعي امك وتجي بجنبها لانك مرح تتوفقي دام هالشي من غير رضاها خليكم بجنب بعض تقوا بعض وتهونوا ع بعض والله لومنك ما اترك امي لحظه وامك رح تفتخر موا بشهادتك بحبك لها واهتمامك واشتياقك واهنيك ع هالشي ليت الدنيا ترجع امي وابوووس رجولها ولا افارقها بالعكس بتتعب نفسيتك اكثر وامك كذلك ادخلي اي تخصص وباذن الله تنجحي صافي من غير ماتحملي اي ماده وتفتخري بشهادتك

مجنونة بجنون • 13 سنة

والله اني حاسه فيك ودمعت عيوني من كلامك

لاني اناا مثلك طالبه مغتربه وانا وحيدة ماما بس عندي اخوان

الله يوفقك ويوفقني ونرررجع لامهاتنا واحنا رافعين روسهم