شذى اللافندر :

مشكلتك ياقلبي أنك تقارنين حياتك بحياة غيرك وتقارنين زوجك بأزواج خواتك وهذا غلط لأن الأخوان وهم من أم وأب ومتربين نفس التربية يختلفون بالطبايع ويختلفون بالإهتمامات وشلون كل واحد من عائلة وكل واحد وتفكيره واهتماماته أهم شي ماينقص عليك ولا يخليك تحتاجين ولا ينكد عليك عيشتك وإذا أنتي تهدين له علشان تنتظرين الرد ريحي نفسك ولا عاد تهدين له شي واشتري بقيمة الهدية شي لك إلا أنتي تقولين منتيب موظفة ، طيب من وين لك فلوس الهدية ؟؟ إذا منه فأنتي رجعتي له فلوسه وإذا من غيره مهدى لك فحرمت نفسك اللي ينقصك اطلبيه واللي تبغينه قوليه أبغى كذا ترى الرجال مخه يشتغل بشكل مباشر مهوب مثلنا نلف وندور نبي الحاجة ونستحي نقول لا تخلين الشيطان يكبر السالفة برأسك وينكد عليك عيشتك افتحي قسم الأسرية وإقرئي المشاكل في البيوت قسم بالله الوحده يهون عليها اللي فيها اللي يضرب واللي يهين واللي مايصرف واللي يخون واللي يشرب واللي ذالها ذل الغافلين تحمدي ربك على العافية ولا تناظرين اللي أحسن منك حتى ماتزدرين نعمة الله عليك

مشكلتك ياقلبي أنك تقارنين حياتك بحياة غيرك وتقارنين زوجك بأزواج خواتك وهذا غلط لأن الأخوان وهم...