نفسيتي تعبانه وبيني وبين الانهيار شعره😭.... لكن صرت كذا😍😭

مساء الخير كروشات. كيفكم وكيف النفسيات معكم
طبعاً ماشغلتي الا اني اناقز من موضوع لموضوع. واستفيد واحاول اني افيد ابغى يومي يقضي على خير.


بالنسبه لي انا حامل بتوأم بنات بالشهر الرابع. والله لا يوريكم واخلاقي كيف😭. لو يقول لي احد ما احلى وجهك شبيت فيه وجلست ابكي مره مره مره اخلاقي ونفسيتي في الحضيض. اولادي واهملتهم. خصوصاً ان عندي ولدي الصغير عمره 10 شهور. وبيتي واهملته. عندي شغاله. بس خليتها عند امي من اخر رمضان. تساعدها. زوجه اخوي ولدت. عندهم
وزوج الله المستعان. مستمتع بحياته لاخر لحظه. ( والله مو مقصر. بس تعرفون لساننا مفلوت نشوف الغلطه والاهمال البسيط منهم زي المصيبه الكبيره. وكمل وطين الحمل)
يخرج للدوام يرجع يتغدا وينام. ويقوم العصر. ويخرج ولعد اشوفه الا قبل النوم. وتراكني. مع اولاده. مره مره ضاقت فيني الوسيعه. والله ان امي تدق علي قبل شوي ما قدرت ارد ولا ابغى ارد عشان لا ابكي او انفجر فيها. احساس مخيس حاسه ان كل الدنيا ضدي.
ما ابغى اتحرك ولا اقوم ولاشيء لدرجه اني رميت العيال ع ولدي الكبير. تخيلو 😷😭
ما ابغى امسك احد ولا ابغى احد يلمسني😢.


وعلى هالحال لين عصر اليوم. قلت يللا استحي ع وجهك البيت يقرف وكل شيء محيووس.
قمت ارتبب المطبخ ومع نفسيتي التعبانه. جلست ع الكرسي. كذا لحالي وبيني وبين الانهيار شعره زي ما قلت. شوي يا بنات 😫😫😫❤️❤️ الا والتوأم يتحركون. واحسهم واضحين. مررررررره والله انها تعدلت نفسيتي😭. وتغير جوي. وما اطعمهم وحركتهم. يا الله كيف رحمتكك. وكيف قدرته بتغيير نفسيتي. ما اقدر اوصف شعوري خصوصاً. ان عندي 4 اولاد وحامل بتوام بنات يعني كيف فرحتهم.


حبيت افضفض شوي. والله يفرح قلبي وقلوبكم بللي تتمنونه. ويرزق كل من بغى الذريه ويهون على كل حامل. ويرزقها الذريه السليمه المعافاه تامة الخلق والخلقه 🎋