نفسيتي تعبانه وفيني ضيقه قويه أشك انه عين

السلام عليكم بنات أنا متضاااااايقه حيل الحين وبدون سبب وودي أصيح أنا عروس لي اربع شهور والحمد لله ربي رزقني وحملت بعد زواجي أنا من تزوجت ومرت حماي مؤ مخليتني بحالي  كل ماتجمعنا عند خالتي ام زوجي مرت حماي لما تشوفني لابسه وكاشخه تزعل وتقوم من الجلسة ! ويبين علي وجها من اول شهر  معها بعدين قامت تلقن بنتها ام 5 سنوات كلام لي جلسنا قالت انتي لبسك موحلوووو ليه ماتلبسين مثل ماما وانا اضحك قلت ان شاء الله بلبس مثلها بحكم انها طفل ماتوقعت انه أمها دازتها من بكرا انتي ليه ما تحطين مكياج حلو مثل ماما وأمها تضحك وانا أقول ان شاء الله كل هذا ومالي اقل من شهر عندهم اول أسبوع زواجي أرسلت بنتها عندي للشقه بحكم شقتها يمي وجلست بحضن زوجي وقالت ليه زوجتك ماتلبس مثل ماما نقاب مع العلم انا مالي أسبوع عندهم وما طلعت أبد كيف عرفت انا البسه او لا ؟ مدزوره المهم كل هذا ما يعتبر شي يوم جا عيد الأضحي والبس وانزل عند خالتي صعدت بعدها شقتي كل عند مدخل الشقة وزوايا الشقه مرشوش مثل الملح الخشن الأبيض بس ماهو ملح مدري شنو سالت زوجي حتي هو استغرب من رشه والدور هذا محد يصعد له الا انا ومرت حماي بحكم شقتها يمي ! من عقبها وانا بس احلم احلام مزعجه فئران وقطط في بيتي واطردها ويطلعلي اكثر ، قبل يومين عزمتنا ام زوجي بالمزرعه ورحت مع زوجي وجبت حلا نوعين ولبست ترنق طويل وكشخت ولبست خواتم ذهب وساعه ذهبية وبدون مدح لنفسي كان شكلي راقي جت هي مع زوجها متأخر نزلت من السيارة جيتها بسلم عليها تصدد من بعيد يالله سلمت ومن شافتني قعدت تقول انا كلا البس بدل وكله البس بس اليوم جايه علي ريع طيب محد ذم في لبسك ؟ راحت دخلت داخل وسحبت بنتها ورجعت جلست معنا انا وخالتي وخوات زوجي شوي ولا تجئ بنتها ام اربع سنين قالت بنك وريني أيدك ارفعي بشوف انا بحسن نيه وخبي للبنت رفعت لها يدي وانا مبتسمه قالت يييييييييع شنو هذاااا تعرفو الطفل لما يقول جمله ومايدري هو شنو يقصد احد ملقنه الكلام ؟ قامت أمها حطت يدها علي حلقها وجلست تضحححححك وتناظر فيني يعني يدك يع مي حلوه قامت اخت خالتي تحاول تريع بس مهي عارفه شتقول انا ابتسمت وأكملت سوالف عاديين بنات انا بدون غرور ومدح لنفسي كل بنات خالتي يقولون لي اي بنك رسمتها حلوه ولونها موحد يعني لو محد من أهلي قايلي كذا كان شكيت في نفسي ان يديني تصرع ، المره هذي تولجتني تجئ بلبيبي ام  وترسل لي برود كاست الناس الحاقدة الناس الغيوره وتسوي روحها منظوره والناي حاسدينها وترسلها لي مدري شتبي فيني حملت وماعلمت الا بعد شهر لان زوجي خائف من العين لان مرت حماي الثاني سقطت مسكينه ومتعقد من اخوه وعلمنا بعد شهر من دريت هذي وهي تقول انا رحمي مايلقط الحما له انا رحمي  مغير يسقط وتقعد ساعتين تحلطم قلتلها الله يرزقك وأقري علي عمرك بنات مواقف لاتعد ولا تحصر معها منها اللي صدمني راكبه سياره زوجي وحاطه يدها علي السكان ونصروه للحريم يعني ان هذي سيارتها والناس ترد عليها الله يعطيك خيرها ويكفيك شرها وهي سياره زوجي والمره سياره رجلها وانيت وهي أصلان ماتسوق نتجمع انا وحمواتي تسوي منشن لهن كلهن انه هي معهن وانا تدقرني وكان مالي وجود راحت وضافت كل صديقاتي من بروفايلي عماتي خالاتي أهلي كلهم وأي احد انا أضيفه تروح وتضيفه لين كرهتني بالبرنامج بنات انا نفسيتي تعبت منها مدري صالحا مع الناس المريضة الحين جالسه بس ترسل انه هي محسوده وترسل ان ناس حاقده عليها وهي محد داري عنها هي كل هذا عشان انا عروس جديده وخالتي ام زوجي حاطتلي قدر عندها وماتبي احد يعطيني وجه لاعت جيدي منها