كوبونات الراقية تسجيل الدخول

..دانة الدنيا..

نفسيتي تعبت..

تأخر الحمل •

مرحبا يا بنات ..

أنا عضوة جديدة بس متابعتكم من فترة طويلة .. وكان باب التسجيل مسكر للأسف .. وألحين لما انفتح .. قلت أشارككم ..

عمري 23 سنة..
صار لي سنة متزوجة .. وما حصل لي حمل ولا مرة ..
قبل شهر رحنا أنا وزوجي نفحص .. أنا فحصت أول ..

لما عملت لي الدكتورة تحاليل .. أولا طلع عندي إلتهاب .. وعطتني أدوية والحمدلله ..
أما بالنسبة لفحص الهرمونات .. فطلعت عندي الهرمونات مخربطة .. بس الدكتورة ما شرحت لي تفاصيل ..
عطتني حبوب 3 باكيتات لمدة 3 أشهر .. أشربهم بين دورة ودورة .. كل باكيت فيه 21 حبة لتنظيم الهرمونات ..

فحص زوجي طلعت نتيجته أمس .. طلع سليم الحمدلله .. حركة الحيوانات عنده 26% للأمام .. وهاذي النسبة تقول الطبيبة انها زينة ..وكفاية ليحصل حمل ..
ولما شرحت لطبيبة زوجي .. طبيبتي وش عطتني .. قالت لي من حالتك إلي قلتيها والحبوب إلي تاخذينها .. البويضات عندك صغيرة كثير ..

وطبيبتي الكل يشهد لها محترفة جدا .. لكن ما عملت لي أي تحاليل ثانية .. ولا أشعة .. ولا متابعة تبويض .. ولا قالت لي إذا عندي شحوم على الرحم أولاء.. ولا شي .. يعني تعتقدون بدري على هالأشياء؟؟
بس مرة قالت لي ترى الوزن يأثر أحيانا واحنا غافلين عنه .. ولا تشربين مشروبات غازية لأنها مو زينة ..

أسئلتي..
- أنا قبل الزواج عملت عملية عشان اشيل كيس دم من على المبيض ..
ووزني 92 .. لكني مو سمينة كثير .. جسمي أسمن من الناس بقليل .. سايزي من فوق 16 ومن تحت 18 .. (للإيضاح فقط)
تعتقدون وزني هو سبب خربطة هرموناتي؟؟
وهل يوجد علاقة بين الكيس إلي طلع لي وزيادة الوزن؟؟

- وهل للهرمونات علاقة بصغر البويضات؟؟

زوجي خاطره في العيال بس ما يتكلم ..نفستي تعبانة .. وأبغى أسوي رجيم بس مو قادرة .. إرادتي جدا ضعيفة ..

إلي عندها نصيحة أو جواب .. تتكرم ولا تبخل .. الله يجزاكم خير ..

.. دانة الدنيا ..
20
2K

يلزم عليك تسجيل الدخول أولًا لكتابة تعليق.

تسجيل دخول

الاستغفار كلمتي
الاستغفار كلمتي •
الله يرزقك حبيبتي الذريه الصالحه المعافاه
وبعدين اقولك توك عروس مثلي لي سنه ونص ولسه اشوف نفسي عروس
ام HAMAD
ام HAMAD •
هلا حبيبتي انا اعتقد الوزن له علاقه بعدم حصول الحمل وخربطة الهرمونات فخففي واستمري ع العلاج وربي يرزقج ان شاء الله الحمل السليم الثابت يااااااااارب
العنيدة ريمممم
العنيدة ريمممم •
الله يرزقك
حلوومه وبس
حلوومه وبس •
شوفي يالغلا في ناس يأثر عليهم الوزن وفي ناس لأ بس انتي حاولي تخففين من وزنك عشانك أول وعشان زوجك وثاني شي اشربي بردقوش ممتاز عشان الهرمونات والله يرزقك الذريه الصالحه المعافاه
..دانة الدنيا..
..دانة الدنيا.. •
شكرا يا بنات وما قصرتوا ..
الله يعطي كل محرومة فيكم توأم زي البدر في ليلة تمامه ..

وإلي عندها معلومات أو أجوبة على أسئلتي لا تبخل ..

لكم تحياتي
..دانة الدنيا..