السلام عليكم خواتي
انا جديده في المنتدى وحبيت اكتب لكم مشكلتي لعلي القى حل او عالاقل اكون فضفضت وسمعتوني
انا متزوجه صار لي 4 سنوات وساكنه في ملحق عند اهل زوجي وللحين الله ما كتب لي الحمل بسبب مشكله عند زوجي والحمد لله انها بسيطه وتحتاج لعلاج وتتعدل بادن الله
طبعا اهله واهلي ما يدرون بالمشكله لاننا مانبي شوشره وزوجي حساااس وما ودي يزعل
واكيد تعرفون ايش يحصل للزوجه لما تتاخر في الحمل من كلام يوجع القلب من اهل زوجها وخصوصا امه واخواته
يشهد الله اني اعاملهم بالحسنى واوصل فيهم واحترمهم واقدرهم وهم كارهيني كره مو طبيعي ومافيه على لسانهم الا فلانه حملت وفلانه ولدت وفلانه من اول شهر وهي حامل لدرجه اني ادا لاعبت عيال حماي اخو زوجي يركضون خوات زوجي وياخدون العيال مني ويقولون اسم الله عليهم من كل عين وكل حسد تصرفاتهم جدا مريضه وما اقدر اقولهم ان المشكله مو مني لان زوجي طيب معي ومسكين ويستاهل اني اسكت عشانه
اشوف تفرقه في تعامل عمتي ام زوجي بيني وبين حريم عيالها الثانيات تدق عليهم وتزورهم وتهدي لعيالهم وانا ساكنه معها في نفس البيت والله اني امررض واقعد في الفراش بالايام ما احد يطل علي ولا يرحموني لان اهلي في منطقه ثانيه
وادا شريت شي جديد يقولون اني اللي خلصت فلوس ولدهم وانا اجمع مصروفي البسيط شهر ورى شهر عشان اقدر اشتري اي شي خاطري فيه
احس بالغربه بين هالاسره صح ان زوجي طيب بس ضعيف شخصيه وضروفه ماتسمح له ياخد بيت برا
وصلت فيهم اني اجيهم ولا يجيبون لي لا شاهي ولاقهوه ولا حتى مويه وادا سلمت مايردون السلام
واكتشف من الناس انهم ينقلون عني كلام اني راعيه مشاكل واني مغيره ولدهم عليهم وان بيتي مو نظيف واني ما اعرف اطبخ مع انهم يدرون اني اسنع منهم وخصوصا في شغل بيتي
واهتمامي بنفسي
يعني باختصار ما سلمت منهم
زوجي احتمال يسافر مع ابوه شهر عشان يتعالج وباضطر اكون لحالي في بيتي
علموني هالناس كيف اتعامل معهم
يلزم عليك تسجيل الدخول أولًا لكتابة تعليق.
ماانصحك تجلسين عندهم روحي لاهلك بالطياره والا هو يوديك ويرجع لاهلهماانصحك تجلسين عندهم روحي لاهلك بالطياره والا هو يوديك ويرجع لاهله
الروحه عند اهلي حل مؤقت طيب وباقي الايام لما يرجع زوجي ايش اسوي
حسبي الله ونعم الوكيل فيهم
حسبي الله ونعم الوكيل فيهم
الصفحة الأخيرة
عند سفر زوجك لا تبقي معهم
روحي عند اهلكـ
لست مجبرة بتحمل غيابه معهم
لأنه إن كان بحضوره يحصل معك هذا كله فكيف بغيابه؟
و كلامهم اصرفيه في سلة المهملات
و لأنهم لا شغل لديهم و لا يعرفون قدر أنفسهم
و قد هلك امرء لا يعرف قدر نفسه
بما أن الحل قادم بالعلاج اصبري
ما بقي إلا القليل و قد تتغير معاملتهم لك لما تحملين
لأن سبب الكره فيك هو أنك لم ترزقي بولد
و إن كان الأمر يخص ولدهم
لكن دوما يحملون المشكل للزوجة
الله يسهل أمرك و يرزقك الولد الذي يؤنس وحشتك