ذكرتيني بموقف صارلي من ناحيتي احسه موقف غبي بس بذاك الوقت كنت مرره جاده...عزمني زوجي على عشا انا وعيالي وانا البس ملابسي حسيت بالم بصدري وشوي الاواحسصدري يعورني مورم المهم كملت لبستي ولبست عيالي وزوجي وعيالي مستاااانسييين وانا افكر بالسياره لايكون سرطان ثدي اللي فيني كفاني واياكم ..وطول الطريق وانا افكر واناظر لزوجي واقوله احس نغزه بصدري قال تعوذي من ابليس مافيك الا العافيه وانا راكبه راسي الا يكون مرض خبيث طوول الطريق اناظر لزوجي وعيالي وابكي ابكي اشوف عيونهم والفرح واقول في بالي خلاص من بكره يتحدد مصري ..وصلنا المطعم ومطعم احب اكله مرره والله ماكليت شي بس اشاهق من البكا ونكدت على زوجي حتى عيالي ماتت فرحتهم بتفكيري الغبي سبحان الله مع ان وقتها كنت متاكده والا اني بموت اعوذ بالله من الشيطان رجعنا البيت وانا ماتعشيت ولاشي
اللي حبيت اقوله كان بامكان انه يجينا حادث بهالمشوار واموت واخلي اولادي يعني السالفهه قضاء وقدر ليه اخرب على زوجي وعيالي وعلي قبلهم من فكره سخيفه بوقت حلو ...الحمد الله قد مااقدر باستمتع بحياتي دام الله انعم على بالصحه والعافيه

يالله نفس تفكيري تعبت مرررررررررره حتى احاول مابين بس غصب علي بعض الاحيان وانا جالسة كذا فرحة ومستانسة مع زوجي تجيني هالحالة يالله واقتلب من الى افكر اني بموت او فيني المرض الشين لو تجيني نغزة براسي خلااااااااااص مرة كنت واقفه على المطبخ اسوي الغدا بس تفكيري مو مع الغدا ابد تدرون شافكر فية انو انا فيني الشين براسي يالله ومعاناتي مع المرض وبعدين ولدي لاتزوج <<< للمعلومية ماعندي الاو ولد واحد وعمرة خمس شهور >>>وانا مو عندة اكتب وصية واعطيها اختي كل هذا كنت افكر فية وانا اسوي الغدا دخل علي زوجي وقف في المطبخ ماحسيت فية قالي فلانة شفيك صايرة كذا اليوم وااااااااااو ماصدقت قالي كذا الا وانا هاتك ياصياح
واول ماجتني هالحاله بعد ماطلعت من النفاس بولدي بكم اسبوع تخيلو رحت للاسعاف 4 ايام ورا بعض احس اني اختنق واعجز اتنفس واقول لزوجي ودني للاسعاف حتى الاسعاف يقولون لزوجي هاذي جاية امس
رحت لدكتورة نفسية واصرفتلي حبوب الله لايوريكم بغيت انجن منها اكلتها مرة بس بغيت اروح فيها تقولي تحملي
لكن بديت اقرا على نفسي واشرب موية مقري فيها ولا جتني هالحالة اقول لاحول ولاقوة الابالله واقرا المعوذات
والحمدلله احس اخف من اول بكثير <<<<<<<<< اعتذر قلت قصة حياتي وطولت عليكم

نفس الاحساس اللي يجيني والله ساعات ابكي واحس انا راح افارقهم وساعات اتخيل اقول اهلي بيرحوا من ايدي وعلى هالحال احس اني دايم افكر بالموت
وخصوصا اذا قالو احد توفى ما اصدق بسهولة استغفر الله بس غصب عني اكذبهم لما يقولو فلان توفى
والله احس رجع الوسواس تاني من قريت موضوعج
الله يكون بعونج وبعوني

تدرين ايش العلاج انك تقولي كلنا بنموت وعادي ايش فيها واحنا مسلمين نشهد ان لا اله الا الله وانا محمد رسول الله صلى الله عليه وسلم وربي راح يدخلنا الجنه ونلتقي فيها ولاعاد تسترسلين في الافكار لان هذا شيطان..يريد ان يحزن الذين امنوا..فقولي اعوذ بالله من الشيطان الرجيم واحسني الظن برب العالمين ورحمته اللي وسعت كل شي،واشغلي نفسك بحفظ كتابه وكل ما جاتك الافكار روحي وضي وصلي واكثري من لااله الا الله
وتذكري)اولي الله لاخوف عليهم ولاهم يحزنون( )لايقنط من رحمة الله الا القوم_ _ _(
اللهم لاتعاملنا بعدلك ولكن عاملنا بلطفك ورحمتك
والله يسعدك دنيا وآخره

وانا احسب اني لحالي بس اللي تجيها ذا الحاله
انا دايم افكر في الموت واخاف منه بس ما اخاف على نفسي لا اخاف على زوجي وعلى عيالي اخاف يمرضون
واخاف يجيني مرض واتعذب والله تعبت جتني حالة كأبه من هالشي وهالتفكير
وخاصه الموت ما استوعب انه ياخذ احد غالي علي
يارب ارحمنا برحمتك