نفسيتي تعبت خلاص / عنوان مبهم يخص قسم صحة وتربية الطفل

السلام عليكم 
اتمنى ألاقي احد منكم يساعدني او يرشدني 

مشكلتي بدت لما قررت اكمل دراستي
زوجي ما كان عنده اي مانع بس حسيت البيت انقلب فوق تحت 
عندي بنت عمرها 11 سنه وولد 10 وبنتي الصغيرة سنه 
كانت بنتي من الأوائل على الصف والكل يشكر بأخلاقها وتصرفاتها كانت حلوه
فجاء انقلبت تصرفاتها كلها غلط وصرت اكتشف كل يوم أغلاط اكثر من اول  
والفتره الاخيرة لاحظت وزنها يزيد بشكل كبير واكتشفت انها تأخذ زياده على مصروفها اليومي للمدرسه   بدون علمي 
المهم كل شي غلط صارت تسويه رغم انها ما كانت كذا 
وانصدمت في الاخير انها جايبه 2 في بعض المواد وانقهرت رغم أني أحاول ادرسها بس تتعبني علشان الدراسة واخوها نفس   الطريقه وانا بالاصل تعبانه من شغل البيت ودراستي والصغيرة دائماً متعلقه  تبي اشيلها مع العلم انو ما عندي شغاله وزوجي طول وقته على النت  
نفسيتي صارت في الحضيض ما ادري كيف أتصرف معها وكيف أرجعها زي ما كانت 
 انصحوني 
كيف ارجع ارتب أموري  احس أني ضايعه