نفسيتي حلووة بالمرة واهل زوجي زادوا الطين بله الله يسامحهم

الأسرة والمجتمع

السلام عليكم ورحمته الله وبركاته
بداخل بالموضوع ع طول أنا الآن نفاس ولي 21يوم وبنتي مازالت بالعناية المركزة وحالتها مرة تتحسن ومرة تدهور والله يكتب لها ما فيه الخير

(( قد كتبت قصتي مع بنتي إلي من يوم ولدت وهي بالعناية المركزة ))

المهم أنا يا بنات من أول ما ولدت متصبرة وربي ماسح على قلبي بالصبر إن شاء الله بس من وقت ما شفت بنتي تبكي وتتحرك وأنا متعلقة فيها بالمرة وكل يوم أروح إلها

مع إن الدكاترة مو متوقعين إنها بتعيش و الأعمار بيد الله بس حالتها تدل على كذا
وأنا والله صابني اكتئاب كل ليله ابكي ونفسيتي زفت ما ادري وش بيصبر لي لو ماتت لاقدر الله :44:

الموضوع و ما فيه إني ساكنة بمدينة وأهلي بمدينة ثانية وعندي أهل زوجي ما بيننا إلا شارع والله يا بنات ما عمرهم اتصلوا علي بالتلفون وقالوا وش أخبارك وإلا تبغين شي وإلا أرسلوا أي شي مع ولدهم
وهو كل يوم عندهم بعد المغرب - الله لا يحوجني لأحد - وتعرفون إن إلي بوضعي محتاجة تحس إن حولها ناس يساندوني اعدي من الأزمة والمحنة إلي أنا فيها والأدهى والأمر إن أخوات زوجي ما دخلوا بيتي من يوم ولدت وحاولت التمس لهم العذر بس ما هم معذورين ما يتصلون علي

أنا الحمد الله الناس حولي من قرايبنا ومن صديقاتي والله ما يخلوني دائم يتصلون ويجوون عندي وينسوني وما انقطعت من الناس والحمد لله , بس والله أحسها كبيرة من أهل زوجي وزوجي حساس بتقصير أهله معاي بس هو مو قادر يسوي شي

طبعا هذا القطيعة إلي سوها أخواته كانت بسبب إني قبل ما أولد بأسبوع عملت أمهم حفله لأختهم إلي تخرجت وأنا ما حضرت الحفلة (مع العلم باني اهديت لها هدية اول ماتخرجت )
لأني كنت بالتاسع وكنت اتالم ذاك اليوم وجاني الم متواصل من أول ما خطيت رجلي على الارض لييييين الليل الم ما يعلم فيه إلا الله حتى إني قلت ولادة خلاص واتصلت على خالتي أم زوجي
واعتذر منها عن حضوري وما رحت طبعا البنات ما عذروني ,, وبعد كم يوم اتصلت على خالتي اسلم عليها إلي ردت علي بنتها الكبيرة و أول ما سمعت صوتي قالت وينك ليه ما جيتي بصوت جاف قلت لها تعبانه حتى إني بغيت أروح المستشفي بس أبغى تنزل علامة وأروح قالت مفروض انك جيتي تعرفين حفلة تخرج قلت لها اعرف واعتذرت من خالتي وأختك ما اعتبرها إلى مثل أختي لكن ظروفي منعتني طبعا من صوتها ما أعجبها الرد وسكرت السماعة في وجهي .....
أنا هنا طرطعت وبكيت ليه تسكر السماعة في وجهي طبعا ما قدرت اسكت قلت لزوجي عن كل شي (( فيه أشياء ثانية كثيرة حصلت من أخته وكنت اسكت وأقول في نفسي كوني أعقل منها وسفهيها )) بس تصل المواصيل أنها تسكر السماعة على وجهي خلاص طفح الكيل

طبعا زوجي تفاجئ من كل المواقف وحاول يدور مبرر لأخته على عمايلها وأنا أقوله تري مو حبا فيني هي تحاسبني على روحاتي وجياتي لو إنها تحبني كان يوم اتعب تتصل تطمأن علي وألا إذا تعب احد من عيالي تطمأن عليهم مو بس فالحة تعابت على كل شي
مع إني والله العظيم ما اقصر مع خالتي واني أصر على زوجي إننا نروح لها لو مرة بالأسبوع وإذا تأخرنا عليها أروح إلها لو عصريه واخذ معي قهوة وشاهي وحلى أو فطاير أو أسوي معاي عشاء وأروح لهم

وتكبر السالفة وتشكيني خالتي عند أهلي بإني مقصرة عليهم وأتكبر عليهم ولا أزورهم واني ما أحب احضر مناسباتهم واني اتاخر عليهم إذا كان عندهم جمعة ما أروح إلا بعد العشاء حتى إني بكيت يوم كلمتني أمي وقالت وش فيه بينك وبين خالتك أنا تفاجات من كلامها أنا سويت لهم كل هذا,,
وعلى طول كلمت خالتي استفسرت منها عن هذي المواقف وهي تقول أنا مسامحتك واني ما أحب أحاسب زوجات عيالي عن أي شي ,,
انأ رديت عليها باني ما احسبها إلا زي أمي وأنا ما كلمتك عشان تسامحيني لآني ما سويت شي يزعل وان كان عن المناسبة إلي ما خضرتها فانا كان لي عذري وربي يعلم بحالي وان كان على التأخير فأنتي تعرفين إن ولدك عنده شغل بعد العصر ما يطلع إلا العشاء يعني مو أنا إلا آخرة ((كل كلامي معها كان باحترام لأنها حرمة كبيرة بس ما أحب احد يغلط علي ))

طبعا خالتي تقلت كلام بنتها كله وهذا الكلام قد سمعته منها من أول بطريقة غير مباشرة حسبي الله عليها ونعم الوكيل دائما إذا كانت حاضرة تتغير علينا خالتي 180درجة

بعد فترة أخت زوجي ولدت بعدي بأسبوعين وهي نفاس عند خالتي وأنا حلفت إني ما أزورها إلا بعد ما اخلص الأربعين وزوجي يلمح لي انه بيجي بخاطرهم
وأنا أقول في نفسي حتى أنا نفاس وليش ماجاء بخاطري يوم مازاروني أخواتك في بيتي .
حتى انه يحاول يلطف الجو يوم ولدت أخته أهدى لها هدية باسمي عشان مايجي بخاطرها شيء

طولت عليكم بس ابغى أفضفض ومالي إلا انتم وش رأيكم لو كنتوا مكاني وش بتسوون ؟؟

وابغاكم تدعون لبنتي إن الله يلطف بحالها وحالي يصبرني ويشفيني من الحالة النفسية إلي عايشتها وان الأيام تعدي على خير .
86
6K

يلزم عليك تسجيل الدخول أولًا لكتابة تعليق.

تسجيل دخول

لمار**
لمار**
اسال الله الشافي أن يشفي بنيتك وان يلبسها لباس الصحة والعافية ويقرعينك بشفائها
حواء ..آدم
حواء ..آدم
الحرمة لو تشيل عيونها وتقدمها على طبق من ذهب لخوات الزوج ماراح يرضون عنها ...
برايي لا تتعبي نفسك معاهم قومي بالواجب بعد ماتطلعين نفاس راح يكون لها عشرين زوريه واحتسبي الاجر...
لكن لتتعبين نفسك علشانهم قدمي اللي عليك والباقي على ربك...واحتسبي زيارتك لها انها زيارة مريض... وخوذي فضل زيارة المريض...
وترى حالي مو بعيد عن حالك...
*طفشاانه*
*طفشاانه*
اسال الله الشافي أن يشفي بنيتك وان يلبسها لباس الصحة والعافية ويقرعينك بشفائها
اسال الله الشافي أن يشفي بنيتك وان يلبسها لباس الصحة والعافية ويقرعينك بشفائها
ولاتحرين نفسك وتفكرين بالمشاكل الي فيك مكفيك ياقلبي ومصير القلوب تتصافي وتهدى النفووس

لكن الحين انتي بنفاس اهتمي بنفسك ولا عليك في احد ...
تفداك روحي
تفداك روحي
ياختي الله يجعل لك من كرب وضيق مخرجا.. والله حاسه فيك ولا يحرق قلبك ان شاء الله ويشفي بنتك يارب العالمين
والنسبه لاهل زوجك من جد ماعندهم سالفه (سامحيني على الكلمه)بس انت بصراحه بوضع الله يعينك عليه..وعامليهم بالحسنى مو لشي بس لله وهذا اهم شي صلة الرحم ولا اذا ردينا على اعلومهم وسواياهم كان الكل مقاطع..
وفي النهايه..ارضاء الناس غايه لاتدرك..
الله يشفي بنتك شفاء لايغادر سقما ياحي يا قيوم
احلى اميره
احلى اميره
اسال الله الشافي أن يشفي بنيتك وان يلبسها لباس الصحة والعافية ويقرعينك بشفائها