نفسيتي حيل تعبانه أبيكم تشاركوني همي ..وتفسرولي حلمي

السلام عليكم ..طبعآ الأغلب عرف قصتي بحملي بطفلين فيهم تشوهات وماتوو بعدالولادة مباشره أنا الأن حامل بشهرالثالث وخايفه جدآ من تكرار التجربه أناأدعي ربي ليل نهار بس الخوف لما قرب موعد التصويرصارمايفارقني أنا ولدي كان عنده تشوهات متعدده ومن ضمنها قصربلأطراف وممكن ينكشف ذا المرض في الأسبوع13وباقي لي تقريبآ أسبوع على الأسبوع 13 وأنا خايفه خايفه من صدمه ثالثه مين حصل لها مثلي وانجبت طفل سليم ؟؟
وأنا من عرفت أني حامل مارحت تابعة لحملي بس أخذ الفوليك أسيد 5 جرام
ماودي أروح أتابع لحملي الى بعد ماأتطمن على وضع ولدي أنه سليم بروح أتابع مثل باقي الحوامل بس اللحين ماأقدر خوفي يمنعني بعد أسبوع أعرف مصير حبيبي الي في بطني
اليوم حلمت حلم جميل تمنيت ماأجلس منه أتمنى أحد يقدر يفسره لي ..
حلمت أن أهلي أشترو بيت جديد بس بيت مستعمل بيت لناس باعوه بلكامل مع أثاثه وأشتراه أبوي وطبعآ دخلنا البيت وكنا لأول مره ندخله وصرنا نفتح الغرف نشوفها وكانت الغرفه مرتبه وفيهاأثاث حلو
أنا فتحت غرفه واسعه وكبيره كانت مجلس للحريم منوره ونورها حلوومرتبه ولقيت بلغرفه مهدحق طفل قلت أكيدهذا المهد لوحده من بنات أهل ذا البيت وغمضت عيني وقلت بنفسي أن شاء الله بيكون ذا المهد لطفلي والغرفه دي بتكون غرفة أستقبال لي بعد ماأولد وفتحت عيني ولقيت بلمهد بنت غاية في الجمال جميله جدآ وشلتها وضميتها لصدري وصرت اردد بيني وبين نفسي هادي هذية الرحمن لي هاذي هدية الرحمن .. وكأن الغرفه أمتلت حريم وفي سفره طويله عليها عشاء والحريم متجمعين عاالسفره ومشغلين أناشيد أسلاميه وصرت أشغل في الثريات الموجوده وصارالمكان مره حلو بس قالت لي وحده من الحريم مانبي نور أصفر النور الأبيض حلو وشغلت لهم النور الأبيض ومريت من جنب حرمه وقالت لي هاذي بنتك قلت لهاأي قالت مشاء الله غايه في الجمال ومريت عند حرمه ثانيه قالت لي بنتك جميله وقمت أقول بيني وبين نفسي أي بنتي أحلى مني ومن أبوها
وطلعت من المجلس وأناأردد سورة الأخلاص واالناس والفلق وأنفث على البنت وأنا ضامتها لصدري هذا حلمي الي تمنيت مااصحى منه..



يابنات وش التصوير الي ممكن يكشف لي وضع طفلي اذا كان سليم وخالي من التشوهات بشهرالثالث ووين أقدر أسويه بشرقيه..



المعذره على الأطاله بس حبيت أفضفض لكم بماأن ولا أي مخلوق غير زوجي وأنتو يعرف أن أنا حامل


دعواتكم لي