ايه والله

والله نفس اللي عندي..
زوجي كان مصر اني اسمي ولدي عثمان..على ابوه من 3 سنين متوفي..والمشكلة انه توه اخته ولدت من 3 شهور وسمت
عثمان..ومرت اخوه من شهر وسمت عثمان..عاد ما يصير انا اسمي عثمان؟؟؟
يعني شوي وبنصير مثل زوارة خميس..ثنيان دلال..ثنيان امينة..وثنيان تسنيم..

المهم انا في اول الحمل ما كنت اناقشه ابداا..واي حد يسالني شو بتسمي اقول لهم الاسم عند ابو الشباب بالذات لو كان جالس..وطبعا اقولها وانا مقهورة...بس حسيت ان هالشي يرفع من شانه قدام الناس وبالذات اهله(انه مرته تسمع كلامه..الله يعينا بس على تفكيرهم)
المهم..كل ما جات السيرة ما قمت اناقشه..واقول خلييه يوم تجي حزة الولادة اكييد الراي عندي..
حسيت انه الراي مو رايه لوحده..يعني اخته بعد تقول سمو على ابوي على اساس انه الاسم الاب اولى انه يسميه ولده مو بنته على اساس يكون امتداد ..(طيب انتي سميتي اش لك فيني)؟

المهم قلت انا اكيد بتورط..في الشهر السادس خبرته..قلت له حرام عليك خلينا نسمي طيب اسم مركب انت تنادي عثمان
وانا اناديه محمد..قال لا..قلت له طيب ما تشوف انه هالاسم كبير علييه ويمكن يعقده لما يكبر..قال مالي شغل..

المهم خليته فترة ما قمت اناقشه..ولا يوم داخل علييه,يسالني ها اخترتي اسم للبيبي؟؟؟
طبعا ما صدقت..وقال لي خلاص انتي حرة ما ابي اخلي حاجز بينك وبين ولدك...
ومن يومها ما اتناقشنا,,وانا الحين في التاسع وباقي لي 18 يوم واولد,,ولين الحين ما حددت اسم..كل ما جا في خاطري اسم
افكر في زوجي ,,ودي ارضيه بس ما ودي اعقد ولدي
والله اني محتااااارة وتعبانة من الموضوع..
بس ناوية ان شاءالله لحظة الولادة اقترح عليه اسميين ..واخليه يختار عن رغبة ..واكيد ساعة الطلق والولادة بقولي المهم انتي
تقومين بالسلامة..
اقترح عليك انك تتركي الموضوع لييييييين لحظة الطلق والولادة واقترحي عليه اسمين
وخلي هو اللي يختار بينهم (اكيد الاسمين اللي انتي حابتهم)..على اساس ترضي رغبته
وما عاد يقولك انا كان ودي اسمي فلانة بس انتي ما رضيتي,,بهالطريقة بكون الاسم
من اختياره بس اقتراحك انتي..!!
عاد الله يهونها علينا يا رب

(اللي مسمية عثمان لا تزعل مني...كل واحد وحبه للاسامي ومدى ارتياحه لها)

ربى يسهل علينا ياختى وربى نفس حرتك والله جابيها بطلوع الروح وهو مو موجود ويتصل يبى يسمى على امه وهو حتى فى حملى ماقد اتنازلت وسالت عنى ............مانى قادره اتقبل بنتى ابد ارجوكم ادعولى معاها .......................

الله يعينك نفس الشيء صار معي

حسبي الله ونعم الوكيل

بصراحة مهما صار لاتوافقي لأنه ماحد تعبان فيها الا أنت أنا عانيت زيك بس بشكل ثاني طول حملي وأنا وهو متفقين على الأسم ويوم ولدت طبعا عندي اهلي في مدينة ثانية الا وأبو زوجي يبشر الناس بحفيدته ومسميها عل كيفة وغصب عنكم تسمونها كذا وسوا مشكلة كبيرة لدرجة انه ربط موضوع الأسم بطلاق عمتي المسكينة وياحرام زوجي وقع بين نارين يرضيني وينفذ وعده ولا يرضي ابوة اللي دمر كل شيء بدون سبب المهم أنا مارضيت كبر الموضوع حلف على عمتي وبناتها مايشوفوا البنت وأنا مصرة على رأي لأنها بنتي لا وقبلي بشهر بنته ولدت ومافرض عليها اي اسم اخته مو شقيقة زوجي المهم هي وأخواتها متشمتين في وفرحانين باللي سواه ابوهم معايا لأنهم مايحبون أخوهم الخلاصة حبيبتي لاأطول عليكي صح ماخلاني اسمي بنت بالأسم اللي اخترته لكن كمان ماخليته يسمي الأسم اللي اختاره يعني كحل وسط وعشان خاطر عمتي اللي حطها بالنص واخترت اسم ثاني وسميتها وجبت الثانية وسميتها بالأسم الأول اللي موعاجبه وبصراحة صار بعدها ماقدر يتدخل باسماء اولادي يمكن تقولوا عليا قوية وكيف تسوين كذا مع عمك وهذه قلت احترام اقلكم وبصراحة هذا من أبسط حقوقي اني اختار اسماء اولادي والأسلوب اللي استخدموه معايا خلاني اصر على موقفي وخاصة بعد ماعرفت انه اخواته من ابوه هم السبب
عيوني حاربي من أجل حقوقك لو تخلين واحد كبير ابوك أو أخوك يكلمه ويقوله طلبتك تسمي البنت كذا ولا تردني يمكن البعض يحس اني بالغت والموضوع مو مستاهل صح الموضوع مجرد اسم لكن تحسين بالقهر لما أحد يفرض عليك شيء تكرهينه وياليت شيء مؤقت وبينتهي لا راح تنادينها طول عمرك بها الأسم وتنقهرين أكثر هذا احساس عشته وجربته وأتمنى ماتعيشيه والله يسهلك امرك