الله يرزقك بالزووووووووج الصالح وتذكري معنا الحديث
من كان همه الله ولقائه .. كفاه الله هم الدنيا

وانت ماعليك صحيح الزواج نصف الدين
لكن تمسكي بنصف دينك الحين ووتحري اوقات الاجابه للدعاء يالغاليه
وادعيلنا معك

الله يرزقك ويرزقنى وبنات حواء بالزوج التقي الغني بماله واخلاقه

يوووووووووووووووه قهررر كتب لك رد وش طوله وراح =(

الي مكتوب على الجبين تشوفه العين .. اذا مكتوب لك الزواج راح تتزوجين وانتي توك مو لدرجة انك خلاص مافي امل تتزوجين ؟؟

ياكثر بنات فوق ال30 واخذوو احسن الرجال ..

بعدين النجااااااااح مو مقصور على الزواج وبس تقدرين تصيررين احسن من المتزوجات

اذا انتي مخلصه الجامعه خوذي لك دورة انقلش او حاسب ودوري وظيفه

او روحي تطوعي بتحفيظ قران منها اجر ومنها تسليه

بس لاااتسكرين على نفسك بالبيت وكانه الدنيا وقفت على الزواج ؟؟؟

الزواج مو كل شي ياكثر المتزوجات الي رجالهم مو مريحينهم بما انك عايشه عند امك وابوك احمدي ربك واشكريه


وسالفة المصروف ومادري ايش ..! ابوك واجب عليه يصرف عليك اطلبي الي تبينه وليش تستحين انتي بايدك شي وماسويتيه

اطلبي والبسي واكشخي ياحبيبتي ماحد راح ينفعك وتفكيرك بالطريقه هذي راح يحطمك اكثر

والله يوفقك ويرزقك الي تتمنيه وكل بنت ياااررب

ياعمري لاتحزني ولاتزعلي نفسك الله يرزقك بالرجل الصالح اللي يسعدك لكن المسالة قسمه ونصيب والله ربي كاتبه بتشوفه العين ولازم تؤمني بهذا الشي ياقلبي وبعدين انتي لسة عمرك صغير في بنات وصلو الاربعين وماتزوجوا لاتياسي واستغفري وادعي ياقلبي وادعي لي معاك امانه ان الله يشفيني ويفرج همي

وش اقول انا عن حالي انا صدق انخطبت ثلاث مرات بس الاول محشش والثاني خبل طالع من رابع ابتدائي وترك دراسته وثالث شايب عمره فوق 80 وعنده اعيال وبنات اكبر مني ومتزوجيين ,شفتي حظي بالله عليك عمري الحين 26 واربع سنوات الاخيرة محد خطبني ولاطق باب بيتنا وانا الحمد الله ماناقصني شي متخرجه من الكليه واعطاني الله جمال بشهادة الكل والحمد الله مدري ليه حظي وربي كرهت نفسي واحس اني الحياه مالها قيمه وتمنيت لنفسي االموت استغفر الله , بدل ماادعي لنفسي بالزواج بديت ادعي لنفسي بالموت والعياذ بالله وربي دعيييييييت ودعيييييت ومااستجاب دعائي محد طق الباب ابد بس بالفترة الاخيرة بديت اشيل فكرة الزواج من راسي وعايشه حياتي الطبيعيه وعايشه يومي بيومه ولاافكر بالمستقبل خلاص هالمستقبل ماصرت اهتم فيه ولاافكر فيه ورضيت بحياتي واقتنعت فيها والحمد الله وعسى الله يغفرلي ذنوبي ويعوضني بالاخرة خير من الدنيا
الله يعطيكم العافيه