نفسيتي زفت بسبب عدم ثقتي

السلام عليكم
بتكلم لكم هنا باريحيه لانكم لاتعرفوني ولا اعرفكم من وانا بزر صغيره عمري الحين تقريبا ٢٩ امي كانت محسستني اني ناقصه
او موب حلوه او فيني عيوب واولها كشتي
خشن كانت امي تتعب معي زمان
وتعرفون زمان قبل ٢٠ سنه مافي شي
اسمه تمليس تجعيد كانت امي تقارني
بشعور بنات خالاتي وخواتي وتقول وش هالشعر واذكر كلمة خالتي الى هاليوم ترن
باذني لو عندي بنت شعرها كذا رميتها بالزباله حسبي الله وكفى
طفله بزر حسسوني بنقص كبير عشان شينه او ممكن عاديه مع ان غيري اشين بكثر بس ماشاء الله دلع وحب من اهلهم
كبرت وكبرت مرت مرحله المتوسط والثانوي بحلوها ومرها اخذت مواقف كثير وتطنز
ولي وقفة مع ربي يوم الحساب وحالفه
ماسامحهم لاني انجرحت كثيرررر من بنات
معي مرت السنين وصلت اول كليه ثقتي صفر صفر صفر صفر ماعرف اتكلم اذا احد كلمني ع طول عيني بالارض واتوتر
واتكلم سريع مستحيل احط عيني باحد احس بيقول وش هالشيفه
مع ان خاصه لما كبرت شكلي صار مقبول
اهتم استشور شعري اسوي له فير
اهتم بجسمي الحمدلله وزني ٥٥ وطولي ١٥٩ البس حلو لاكن الى هاليوم ثقتي صفر تخيلو دخلت كليه سنتين جاني اكتبائب
تدرون من ايش صرت اشوف البنات
الحلوات واحقر نفسي زياده واكره نفسي
اجلس اقارن بيني وبينهم
اقول بنفسي حظهم بالبياض
حظهم شعورهم حرير مايحرقونه بكل تروش
بالاستشوارات
حظهم وجيههم حلوه ومليانه
رسمة وجيههم حلوه
انا اللي معقدني بالحياة رسمة وجهي
نحيف وطويل
وشعري الخشن
تركت الدراسه من ثاني سنه لاني حسيت
لو بكمل ممكن انفجر او اتوحد
كل حياتي مقارنه مقارنه ع بالي برتاح
اني خلاص خلصت الدراسه
ماراح اقارن ولا راح اشوف حلوين
شفتهم شفتهم بوسط بيتنا خواتي
حلوات بنات خالي حلوات
حاولت اطور نفسي حاولت اصير واثقه
لاكن لو لعبت ع نفسي
ماراح العب ع الناس وع اهلي وامي
امي شغاله تحطيم الى عاليوم لدرجه
اي شي اي شي استكثره ع نفسي
واحس مااستاهله دايم امي تقول
عنستي من شكلك
الرجال يبون حلاوه
الرجل يبي شعر ناعم وبياض
وانا امي تتكلم ككذا وانا ضغط ضغط
لما كرهت الكليه كرهت نفسي
صارت حياتي كلها مقارنات
حتى لو يوم تزوجت بستكثر اللي اخذني
وبقارن بيني ىبين خواته او خواتي او قريباتي
خاصه انهم احلى مني اذري بتقىلون
انتي ماعندك ثقه وياكثر العاديات الحلوات
انا القصه مو قصة ثقه
انا متدمره من لما كنت باول ابتدائي ثقتي زيرو من امي بعدين خلاص نصيحه لكل
ام لاتسمحين لنفسك ولا لغيرك يحطم
عيالك لان الطفل اذا تحطم وهو صغير
بيظل مكسور انا الى الحين عمري قريب٣٠
ومكسوره والكلام ببالي كله والتطنز
وكلام امي ومقارنتها فنيي ببنات الناس
ااه شعور يقتل
مشكلتي الحين ماعندي ثقه
ماعرف اتكلم اتوتر
استكثر كل شي على نفسي
احس اني اشين الخلق
ماني جريئه بسبب شكلي مع اني
جدا عاديه مافيني عيوب خلقيه
لاكن عشت جوا عائله يعبدون الجمال
خواتي يستقصوني بسبب شكلي
خواتي وامي يحبون يظهرون للناس
وبالذات الرجال انهم جميلات
امي تحب توضح خواتي قدام رجال
زي عيال خوالي واعمامي انهن حلوات
تستعرض فيهم
قسم قسم شايله هم الرجل اللي بياخذني
بكرا
عارفه امي بتسوي هالحركات
وتستعرض فيهم قدام زوجي عشان مايقول
بنتها عاديه بتحسسه عنذي بنات حلوات
تعبت نفستيي من كل ش كل شي