نفسيتي زفت لهسبب

يمكن تشوفون موضوعي تافهه
لكن ماراح يحس الا اللي جرب شعوري
بنات انا تعبت
وكررررررررررهت نفسي
احس اني عايشه بعالم مو عالمي
مع ناس غير عني
انا الحين داخله٣٣ ولا تزوجت
مانكتتتتتتتب لي زواج كذا من الله الخالق
شي مو بيديني
اشوف اللي حولي بنفس عمري
معها ٣او اربع عيال
انا اطلع كوفي ماطلع الا مع بنات
اقاربي او مع اختي وصديقتهها
اللي اصغر مني بسنوات اعمارهم٢٤ تقريبا
واتفشل لما يجيبون طاري العمر
او يسالوني عن عمري احس مكاني ونظراتهم
لي غلط كانهم يقولون
وش تبين تطلعين!!
مع انهم بكل امانه هم يلزمون ويكلمون
وتعالي ننبسط لكن داخلي
احس فرق بيننا بالعمر
التيك تك نفس الشي لما ادخله
كلهم اطفال يمكن اكبر بنت او ولد هنا
عمره٢٧
التويتر مره شخص عرف عمري صار
يسميني ياخاله
ولا يسمون اللي تعدت ٣٠ عانس بالتويتر
وخلصت مدتها
يعني بالعربي
مب لاقيه صداقات لا بالواقع
ولا بالعالم الافتراضي النت احد
نفس عمري ونفسي مب متزوجه
كللل اللي اطيح فيهم اصغر مني بسنوات
ييصير عمرهم٢٤او ٢٥ بين كذا
واللي بعمري اغلبيتهم بعالم موازي
تصير تكره الكوفيات الطلعات
منشغله ببيتها وبزرانها
واقل شي معها ٣ او٤ بزران وخلاص تحس ختمت الحياة لانها تزوجت وعندها عيال
تحس نفسها عجوز وملت من الحياه
وتقول كبرنا !!
انتي كبرتي لان تحملتي تعب وحمل وولاده
وتربيه اطفال لكن غيرك
الله ماكتب له باي حق تجي
وتقول بكل جمعه كبرنا
راح عمرنا !!
خلاص مابقى باعمارنا قد مامضى
وتصير تدق بالهرج وتجدع كلام
زي مثلا تنقد وحده بعمري تروح كافيهات
تقول عجوز وشوله تروح كذا
اماكن مراهقات
او عجوز وش تبين بالتيك توك
او عجوز باي شي تنقد
ان عمري كبير
هل حتى طلعات الكوفيات والوناسه
صار لعمر محدد؟؟
يعني اذا الله الخالق ماكتب لي نصيب
انا وش ذنبي ؟؟
غير كذا رمي الحكي
زي يجي وحده ولدها
٣٤او ٣٥
ويشرط يبي بنت عمرها ماتعدى٢٧
طيب انا كذا
خلاص فقدت الامل
بنفسي وعمري واي بنت نفس عمري
اذا كل اللي من جيلنا يدورون بنات
اعمارهم ماتتعدى٢٧
حنا من ناخذ ؟؟
من يبي بنات اعمارهم صاكه ٣٣؟؟
وقسم بالله دايم
اسال نفسي هالسوال
الحمدلله لااخواني ولا ابوي سمعتهم شينه
وقسم حتى دخان مايعرفونه
وامي سمعته من احسن شي
وحنا ناس بحالنا ومترابيطين مع اقاربي
وكلن يمدحنا بس النصيب واقف يابنات
بشكل خلاني اشك
يعني لدرجه قلت اكيد
لاني ماملك قدر من الجمال
لكن لما اشوف اللي حولي نفس شكلي
واقل مني بعضهم ومتزوجات من شنين
انا اجل ليش حظي كذا
بتقولون مب كل شي الزواج
لا والله يابنات انه كل شي
انا الحين احس نفسي غرررررررررريبه
لاني عايشه مع جيل غير جيلي
كل جيلي منشغلين بحياتهم
وببيوتهم وعيالهم انا جالسه
اصادق واطلع مع بنات اصغر مني
بسنوات ممكن٩ سنوات او ١٠ سنوات
متخيلين الوضع!!!!!!!
ياناس حتى جيلي منقرض
مختفي بالمواقع مالقى الا بزران
وينصدموو من عمري لدرجه يقولون لي
خاله ههههه شي يضحك ويبكي
يعني حتى لما اطلع
مع قريبات او اسولف مع صديقات النت
افكارهم غير عني
انا انقد واستغرب اشياء
هم يشوفونها جدا عاديه
وهي شي مب عاديه
بالنسبه لي
بس اضطر اكل تبن واسايرهم عشان
مايقلبون علي!!
مثال انا احب الكوفيات الهاديه
الصاده المحترمه
هم لا عكسي تماما 
يحبون الكوفيات المختلطه اللي يصير
ظهري بظهر الولد
واغاني بالكوفي ويشووفنه شي واو وتطور وعادي
واني معقده
لو عارضتهم او يقولون لي
رفقا بهم
كل مانقدت
او عارضت شي
قالو رفقا بهم وين عايشه انتي 
الحين عادي
اوكي عادي على عمركم
بس انا لا شي ماتقبله لكن انجبر اسكت