لمارا @lmara_1

عضوة فعالة

نفسيتي زفت ولله الحمد بسبب......

ماني عارفه كيف أبدا ولا وش أقول
مشكلتي أكتشفت زوجي يكلم وحده وظني يكون متزوجها مسيار
امس نام بالدوام وهو نظام عمله يداوم دوام كامل بس ثلاث أوأربع أيام في السنه المهم اليوم لما جا كنت لابسه وكاشخه وسوالف وضحك وبعد ما أفطرنا قلت له أبي جوالك بكلم لأن جوالي مقطوع قالي خذيه دقيت طلع مشغول قلت خلني أشوف الرسايل وهو جالس عندي مقابل النت فتحت الرسائل المرسله لقيت مرسل على رقم واحد يقولي دايما أنه صديقه وصيغت الرساله موجهه لمره والله أنغثيت بس صبرت ولا بينت له ومسحت الرساله حتى ما يحس أني عرفت شي وقمت أقلب الموضوع في راسي تذكرت أنه قبل كم شهر جاه مبلغ حليو قلت يالله بكرمنا خصوصا أني توي مالي غير شهر نفاس كان قبل عيد الاضحى بكم يوم وأيامها كنت عند أهلي لما بدت الاجازه جا قلت نبي السوق عشان نتجهز للعيد قلت أبي ألبس وأكشخ مادام معه وأنصدمت لما قالي ترى ما معي غير كذا برمجي نفسك على هالمبلغ أنصدمت قلت قبل كم يوم تقول جاك مبلغ حلو وين راح قال راح أيجار مع أن الايجار ما يجي نصه سكتت قلت يمكن معطيه أخوه لأنه على وجه زواج وأنحرمت لاصبغت ولا سويت شي زي الحريم
ولما رجعنا للبيت بعد العيد قعدنا نسولف وسألته أنت معطي فلان لأنك قلت ما معي شي قال لا قلت وين راح طيب وأنا ماني شايف أ ي تغيي صار في البيت وأنت واعدني سوى نفسه ما سمع وعدت الكلام عليه مره ثانيه قال راح في أمور تخصني قلت طيب قلنا وشهي عصب وقال أمي وأخواني اللي ما أخبي عليهم شي ماقلت لهم ولاراح أقولهم
هنا قرصني قلبي قبل لما كنت عند أهلي كان على علاقه مع وحده اللي نبهني الرسائل الوسائط اللي في جواله كله غزل وحب قلت والله عندك رسائل حلوه قالي أيه هذا واحد من زملائي سويت له خدمه بالعمل وصار يرسل لي الظاهر ما يعرف يشكر بطريق ثانيه و
خليته ينام وأخذت الرقم من جواله وعطيته أخوي قلت هاذا واحد مأذيني دق عليه أخوي وطلع مره
ولما جينا عند أهله بالعيد بالليل لما جا وقت النوم قلت باخذ جوالك أبي رسائل وسائط تهنئه قال خذيه وطلع من عندي وغسل ودقيت عليها من جواله وردت الو الو وهودخل وأنا أرفع الجوال تغير وجهه وقفل الجوال قلت ليش ما ترد على حبيبت القلب اللي بدلتني فيها قال هاذي وحد غاثتني قلت سبحان الله كيف غاثتك وتقولي أنها زميلك كيف غاثتك وأنت تكلمها وتراسلها لا والمصيبه صوتي أنعم من صوتها أسلوبي أحلى من أسلوبها والله أني قادره أرد عليها وأعلمها قدرها ومن تكون هي بس والله عزت على نفسي أتنازل لهالحثاله أسمعها صوتي
كيف تسمح لنفسك تتكلم مع ذاالوعيه هاذي لولنفسها قيمه مارمت نفسها على الرجال تكلمهم
قعد يتعذر ومسح الرقم قدامي بس في نفسي ما صدقته وتابعت فواتيره ولا لقيته مكلمه من بعدها

اللي أبيه أبي منكم اللي تعرف أحد في الاتصالات أرسله الرقم وتطلعه بأسم مين بعدها أعرف شغلي معها ومعه
تكفون الفزعه والله أني أكتب ودمي يغلي بس يارب تفهمون كلامي

هذا الموضوع مغلق.

لمارا • 16 سنة

عفونا الرقم اللي مرسل عليه البارح رقم ثاني بس ما أستبعد أنها نفسها وقايل له تغير رقمها عشان ما أحس
بنات الله لا يوريكم مكروه ساعدوني

ام مقبل .. • 16 سنة

ليش تكبرين المووضوع دامه انتهى واعتذرلك خلاص ان شاء الله انه قد وعده ولا راح يكررها مره ثانيه واذا تكرر لا سمح الله لها الف حلال

الله يسخره لك ان شاء الله

*الورده الورديه* • 16 سنة

ياحياتي انتي عرفتي الرقم هزئتيها طيب وبعدين

مو اسلوب هذا

الله يهاديه ويرده لك رد جميل

وعلى فكره 99بالميه من رجالنا يكلمون

خذي حقك كامل من رجلك ولا ينقصك شيء ودعي الله انه يهاديه ويسخره لك

وترا التهور مو زين

وبعدين هزءي زوجك قبل لاتهزئينها لانه معطيها مجال

وعموما مشكلتك نفس مشكلتي

الله يوفقني وياااااااااااااك

ام كرشه • 16 سنة

وش بتستفيدين لاعرفتي منهي
يعني وش بتسوين معها ولا معه

يااختي الرجال لابغى شي بيسويه ولاانتي ولااحد من اهلك يقدر يمنعه

انتي كشفتيه وواجهتيه واذا هو مااستحى منك من بعد هالمواجهه ماراح يستحي بعد كذا من اي احد
انتي استوعبي الموضوع وتكلمي معه وتفاهمي معه

اما اسلوب التهديد والوعيد واللسان الطويل ماراح ينفع لا معه ولامعها
خصوصا اذا هو يبغاها ومتمسك فيها لانو انتي للحين ماعرفتي وش غرض زوجك معها
ووش طبيعه العلاقه بالضبط

استهدي بالله وفكري بعقلك لانو بالعقل بس بيرجعلك زوجك
شوفيه ليه لجأ لها ووش طبيعه العلاقه ووش يبي منها
ووش محصله فيها وماهو ملاقيه فيك

السالفه عند الرجال ماهو بعومه الصوت ولا بالاسلوب شوفي
شي اكبر مستند عليه زوجك

الله يهديه لك

غصن الخزامى • 16 سنة

الله يجعله مايشوف غيرك على خير