نفسيتي صفر وماعرف شو اسوي الله يجزاها خير الي بتساعدني ..

السلام عليكم ورحمة الله وبركاته ...

بنات انا نفسيتي صفر والله العالم

انا وزوجي مانكلم بعض تقريبا من اسبوع وامس حاولت اني اراضيه بس رفض
وحط كل شي ع راسي صح اني غلط بس مش لدرجه اسبووع مايكلمني
وانا من النوع الي بسرعه ارضا مهما كان السبب وهو العكس ..
سبب الزعل اني رفعت صوتي عليه جدام الخدامه وشكله نسا انه كان يضربني جدامها
يعني هو مايرضا ع نفسه بس انا عادي ...
قتله اننت تضربني جدامها وانا بس رفعت صوتي ... من القهر
طبعا هو رفض يسامحني قال بوديج بيت اهلج يادبونج وبعدين اذا اعتدلي اوكي ردي
قتله ليش ادخل اهلي فسالفه ياما ضربتني وسويت فيني كوارث وماخبرت اهلي وتميت اصيح عنده شفته بقبق عيونه ..
قال انتي تسوين فضايح !!!قتله شو من فضايح انا الحمدالله ماسوي فضايح
قال ترفعين صووتج ومهمله البيت والعيال .. قتله هاي مب فضايح ....
قال الخدامه احسن منج !!!
طبعا سكتت ومشيت رقدت فحجره الثانيه وخليته وهو كل شوي ايي يشيك ويروح ...
الحين شو اسوووي فذمتكم اروح للبيت اهلي ....
وقالي انا بعرس تبين تقعدين فلبيت حياج تبين تروحين بيت اهلج روحي ....
وانا صغيره مب كبيره يعرس فوقي ....
نفسيتي صفر ...
ورحت حجزت له هديه كلفتني 1000 وقلت بيب له كيكه بس كلامه وانه بيعرس خلتني اكنسلها
مايستاهل والله .... الحين شو اسووووي مليت والله ...
ماريده يعرس ولا ابا ازعل يطول خلاص بنفجر يومين رقد برع البيت ومرات ايي البيت الساعه 2

كيف اخليه يرضا ؟؟ واروح بيت اهلي ؟؟ انا ماريد مشاكلنا يعرفوننها ؟ لو قلت شو يسوي فيني بكون انا الصح ...
بس ماريد اهلي يعرفون بمشاكلنا ....
شورو عليه شو اسوووي مالي غيركم بعد ربي ...