حواء مصر @hoaaa_msr

عضوة جديدة

نفسيتي مدمرة رجاء مساعتكم ياإخواتي

السلام عليكم ورحمة الله وبركاته
أنا هقولكوا ومحدش يزعل مني لو طولت
قبل زواجي إكتشفت إن عندي 3أكياس عالمبيض الأيسر ولازم عملية فورا لأني جيت في وقت متأخر
كل الدكاترة تقريبا أجمعوا على إنها لازم عملية فتح بطن مش منظار

وفعلا عملت فتح بطن وشالوا الأكياس ولله الحمد على كل حال
المهم تزوجت بعدها تقريبا بسنتين وزوجي بيسافر دايما وبيجي أوقات قليلة معايا
فرحت كشفت طلع تبويضي ضعيف لكن الدكتور اللي عملي العملية قالي لا كويس جدا طبعا كداب لأنه مش كويس جدا ولا حاجة فسيبته خالص
المهم رحت لدكتور تاني قالي لا طبعا محتاجة تنشيطولازم نعمل اشعة بالصبغة نطمن عالأنابيب مفتوحة ولا لأ من العملية وأثارها فخفت
المهم وجدت صعوبة بااااالغة في إشعة الصبغة وصوتي جاب التايهين من الألم خدتها من غير بنج وحقنوا مرتين للتاكد من الأنبوبة اللي لاقوها مسدودة

تخيلوا الأنبوبة أنهي اللي مسدودة؟؟
الأنبوبة اليمين والعملية كانت عند المبيض الشمال والدكتور كان مستغرب قالي السدد المفروض في الشمال يعني عشان العملية
كنت خايفة ناس قالولي لا عادي ممكن الحمل بإنبوب واحد فارتحت نوعا ما والأول والاخر الأمل في الله عز وجل
بعد كدة كتبلي كلوميد وابر وعملت متابعة للتبويض وكدة وكان الحجم معقول
بس ماكتب الله ان يأتي زوجي من السفر تاخر لظروف شغله وراح علي العلاج والألم أونطة الحمد لله على كل حال
الشهر اللي بعده خدت نفس الموضوع وتم الجماع في الأيام اللي ذكرها الدكتور ولكن قالي في حاجة ان دى يعتبر اختبار لو ماحصل حمل مضطر اعمل عملية منظار بطن اشوف هل في التصاق بردو من العملية ولا لأ
وماحدث حمل الحمد لله على كل حال يارب
قال العملية قلتله طب ازاي قال فتحة جمب السرة وفتحة يمين وشمال بس صغيرين خفت ومت من الرعب سألته من فضلك هو لازم حمل من اول مرة بعد الكلوميد والإبر دي اول مرة بالنسبالي كدة؟ قالي براحتك نجرب مرة 2 او 3 او 4 براحتك ومنتظرك تيجي العيادة نتكلم
بيني وبين نفسي قلت ايه اللي براحتك دي؟؟ هو انا اللي غلط ولا هو ولا انا محتاجة فعلا ولا هو مش شايف امل ولا ايه مش عارفة هو قال ان شايف ان التبويض يعني كويس فبنختصر الوقت فعملية وبراحتك وأنا هموووت من العملية دي لو حصلت هو لازم حمل بعد اول مرة منشطات؟؟

رحت للدكتور أمس وقالي بصي هجيبلك من الاخر لازم منظار بطن أنا شاكك إن في إلتصاق ولو عرفنا نزيله لو بسيط هنزيله لو جامد يبقى للأسف مش هنقدر نعملك حاجة بكيت أمامه وانهارت وقالي شاوري جوزك ولو عايزة تعيدي العلاج مستعد مع ان دى مش من رأيي شوفي رأيكوا ايه وردي علي وجوزي قالي خلينا نحاول مرة تانية قبل المنظار دى
طبعا عارفين الدكتور شاكك الألتصاق من العملية اللي حصلت وهو قالي لو واحدة جاتلي ماهملش المنشطات معاها نتيجة من اول مرة هحاول مرات معاها لكن حالتك لأ عشان العملية مفيش حمل من اول مرة كدة اشك التصاق عندك
اعمل ايه دماغي هتنفجر من التفكير لا وجوزي مش معايا كل شهر او بمعنى اصح مش مضمون وجوده بسبب سفره
الله يخليكو ردوا علي ضروري وانا أسفة جدا جدا جدا طولت جدا بس معلش حبيت افضفض لكوا بدل ماتجنن

--------------------------------------------------------------------------------

يلزم عليك تسجيل الدخول أولًا لكتابة تعليق.

تسجيل دخول

أم الدموع • 15 سنة

ما عندي فكرة

ان شاء الله البنات يفيدونج

الله يرزقج الذرية الصالحة عاجل غير اجل يا كريم

ويرزق كل من تتمنى الذرية

أديـــم • 15 سنة

ياليت أقدر أساعدك بشي ..
قصتك مؤثرة الله يسهل أمورك ويفرج ضائقتك ويحقق لك مرادك ويرزقك بالذرية الصالحة ..
لا تنسين الاستخارة قبل اتخاذ أي قرار, الوحده مالها غير ربها في وقت الضيق

lolookasha • 15 سنة

السلام عليكم اختي حواء...
انا اختك من القاهرة..
طبعا الله يعينك على تعب الأعصاب اللي انت فيه دا...
بس اولا توكلي على الله واعرفي ان الحمل دا رزق وفي ناس اجسامهم سليمة 100% ومع ذلك مابيحملوش..
وثانيا بناخد بالأسباب ان لو فيه حاجة بنعالجها..
دلوقتي انت جربتي تروحي لدكتور تاني كبير وشاطر يكشف وتشوفي لو الكلام مطابق مع دكتور الحالي؟
مهم في الحاجات دي تشوفي دكتور تاني ويكون سمعته كويسة وكبير في مجاله...
انا طبعا مش دكتورة عشان اقدر اساعدك ويارتني اقدر فعلا اساعدك او افيدك...بس انا رأيي تشوفي دكتور تاني وتسألي..
ولو عاوزة اسم دكتور شاطر في دكتورين شاطرين جدا انا بتابع مع واحد منهم كان عندي ضعف تبويض والحقيقة كان صبور معايا وكنا ماشين بس بالكلوميد لمدة 9 شهور بعدها حملت مع اني اول جوازي كان عندي تكيس على المبيض وراح مع العلاج..
الدكتور التاني اعرف واحدة بقالها كذا سنة جواز برضه واتعالجت عنده والحمد لله هي حامل...
ممكن تقوليلي اسم دكتورك ايه وانت في القاهرة ولا فين عشان اقدر افيدك؟

HHOHH • 15 سنة

حبيبتي الله يشفيك ويسهلك الخير قبل كل شي استخيري على اي قرار ببتخذينه..وتبغين راي حاولي مره واثنين في الكلوميد والابر بس لاتاخذينهم الا لما تتاكدي ان زوجك راح يكون موجود ..وان فشلت المحاولات اللجئ للعمليه ..انا استخدمت الابر والكلوميد اول شهر فشلت وثاني شهر فشلت وماجابت نتيجة وثالث شهر تم الحمل الحمدلله ..وغير بنات كثير ياخذوها سنوات ..هذا راي والاتنسي تستخيري الله ..بالتوفيق
الله يرزقك ويرزقني الذريه الصالحه

عبـــــــــــــــوره • 15 سنة

ماعندي خبره
الله يرزقك ان شاء الله