نفسيتي مدمرة يا بنات قطر أغيثوني فين اروح؟

السلام عليكم ورحمة الله وبركاته
انا مصرية مقيمة في الدوحة
متجوزة من سنة وسبحان الله من اول شهر حصل حمل وطبعا لأنة كان في فترة شهر العسل ما اخدت بالي وقدر الله و ماشاء فعل زوجي سافر علي الدوحة من هنا وانا حملي نزل من هنا. استعوضت ربنا وسافرت لزوجي الدوحة وحاولت شهر بعد شهر بعد شهر مفيش حمل وزوجي رافض تماما اني اروح لدكتور فا اتغابيت بصراحة وقَعَدت أدور علي النت ولقيت ناس كتير بتشكر في الكلوميد رحت زي الغبية اشتريته واخدتة لمدة 4 شهور وبرضو محصلش حمل دة غير ان الدورة بقت مش منتظمة تماما وأخيرا زوجي رضي نروح لدكتور بعد ما شاف نفسيتي في الارض روحنا لدكتورة في عيادة خارجية عملتلي سونار مهبلي وبعدين مسحت بكرامتي الارض اني اخدت كلوميد من غير ما دكتور يوصفهولي و من غير ما اعمل متابعة تبويض وكتبتلي حبوب تنزل الدورة وقالتلي اروحلها بعد ما تنزل الدورة مكنتش مرتحالها الصراحة خصوصا اني مش فاهمة نص كلمها الانجليزي بتعها كان عجيب ، المهم نزلت مصر من غير زوجي وطبعا روحت لدكتور كشف عليا وقالي عندك تكيسات نتيجة الكلوميد وضعف رهيب في بطانة الرحم يعني لو حصل حمل مليون في المئة ينزل لان البطانة ضعيفة. كتابلي كلوميد من تاني يوم للدورة وكتبلي حقن تنشيط علشان يشوف التبويض ورجع لما حصل تبويض قالي تمام في حوالي 4 بويضات احجمهم كويسة تقدري تستقرئ امتي قولتلة بكرة لو تحب قالي لا استني يومين وهديكي حقنة تفجيرية وتسافري تمام اخدت الحقنة وخلاص هسافر تحصل لغبطة ومقدرش اسافر انهرت نفسيا طبعا بس قولت قدر الله وماشاء فعل وفضلت في مصر روحت للدكتور تاني كتابلي تاني علي كلوميد من تاني يوم دورة وحقن تنشيط وقالي سافري وعلي عاشر يوم للدورة روحي لدكتور في الدوحة بعملك متابعة تبويض ويكتبلك علي حقنة تفجيرية ، سافرت وعملت كل حاجة وروحت لدكتور هنا في الدوحة مصري اول ما شاف الروشتة قالي كل العلاج دة غلط 😞بس هعملك متابعة تبويض ونشوف وعملي سونار مهبلي وقالي مستحيل يثبت حمل حتي لو حصل علشان البطانة ضعيفة جدا طيب والحل؟ عملية بسيطة اسمها خربشة بطانة الرحم وبيبي اسبرين ودافيستون تمام واخدت الحقنة التفجيرية وحصل جماع بيني وبين زوجي في الأوقات الي قال عليها وكان عندي احساس مليون المئة اني حامل وكل الأعراض عندي انهردة عملت تحليل حمل مفيش حمل رحت للدكتور قالي انسي الحمل الشهر دة هناخد حبوب منع الحمل علشان تنشف التكيسات والشهر الي بعدة نحاول طبيعي بدون اي منشطات لو محصلش حمل نعمل تلقيح صناعي. انا منهارة ومش عارفة اعمل اية واروح فين؟ افيدوني افادكم الله