نفسيتي مدمره 😭

صباح الخير ،، كيفكم حبايبي ،، بدخل بموضوعي ع طول ماأدري هو فضفضه هو تعب نفسي مرررره مضغوطه يابنات وتعبانه وأبغى كلام يطمني ماودي أفضفض لأحد يعرفني انا تزوجت من شخص أكبر مني بسنه وشوي ويوم خطب مافيه اي مرض وسوى الفحص الطبي وكل التحاليل سليمه وبعد ماتزوجته أكتشفت انه مريض وسكت ومشيت حياتي ( وهذي أكبر غلطه أرتكبتها في حق نفسي )مع انه يقول يوم شفتك بنظره تعلقت فيك مررره ووصى أهله لو أحد يتكلم بمرضه ويقولنا ليسوي ويسوي عشان ماأرفضه وحملت بعد زواجي بخمسه شهور وفي الشهر الثامن طلقني بسبب كلام تافه من اخوانه ماتعرف تطبخ ومن ذا الكلام ومع العلم انا ماكنت ادري بسالفه اتصل علي وقال انا طلقتك روحي لأهلك ورحت لأهلي جلس ٦ شهور وجاء أعتذر ورضاني ورجعت له وجلست خمس سنين وجاب فرشه للبيت وماعجبتني وزعل مني مع ان لي الحق أقول رأيي في بيتي وجلست أراضيه ويشهد الله عليه يابنات من حبي له ماودي ينام زعلان مني ولا كلمه غلط قلتها له وقام قال لي اطلعي وزعلت انا ورفضت ماأطلع وقال انتي طالق وصارت هذي الطلقه الثانيه وجلست عند أهلي خمسه شهور وجاء وأعتذر ورجعت له ورجعت وانا مدمره نفسيتي وحده ثانيه كرهت الناس كلهم وأهله خاصه لأنهم ماحولو يصلحون ولا أحد دق عليه ولا شئ مع العلم علاقتي في امه واخواته مره زينه هذا الشئ حز بخاطري وكذلك وحده من سلفاتي الي هي زوجة أخوه كانت متواصله معي مررره يوم كنت عند أهلي مارجعت وشكلها كانت تاخذ الأخبار مني ابغى ارجع او لا وانا ع نيتي أتكلم معها ويوم رجعت ماشفتها الى اليوم ولا قالت حتى رساله بالجوال مبروك رجعتك مع ان مابينا شئ مع ان لي من يوم رجعت سنه كامله ولا شفتها أبداً ولازارتني ،،،، ولي سنه يابنات وانا أجلد في ذاتي وأقول في نفسي ليش رجعتي وهو أرخصك كذا مرتين وقدام الناس معد لي وجه من مشاكلنا حاولت و حاولت الين وصلنا لهذا الوضع مع العلم تزوجت وانا عمري ١٩ وهو ٢١ ماأدري هو كان صغير وتحملت طيشه لأني بجد أشوف فيه حركاتك مو حركات واحد فاهم وعاقل ومو موظف ودرس الجامعه وتخرج وانا معه وبس فيه كم شغله يطلع منها دخل والحمدلله عايشين وكريم مره وخلوق وصار بعد يستحححي من أهلي من الي سواه دايم يقولي امك وأبوك ذهب لأنهم محترمينه ليومكم وماعمرهم غلطو عليه وأشوفه يابنات مررره متحسف ع المشاكل الي صارت وانا منهاره هل ممكن حياتنا بتستمر بعد الطلقتين هل ممكن يعقل ومعد يعيدها ،، تكفون قولولي وطمنوني لأن لي سنه من رجعت وماطاب جرحي 😭😭😭