ام ورد الورد :

حبيبتي فرج الله همك بس هدي نفسك شوي مريض الهذيان او المريض النفسي متعب التعامل معاه اتكلم من تجربة شخصية اول شي لازم تعرفي ان كل الي تعمله مو بوعيها ولازم تتقبلي وضع ان عندك طفل مريض نفسي متى ماتقبلتي هالحقيقة رح تقدري تتعايشي مع الوضع لاتقولي متقبلة لان لو متقبلة كان عرفتي تتعاملي معاها وماقلتي ما اطيقها واكرهها طيب كيف تتعاملي معاها اول شي روحي للدكتورة قولليها ترفض تاخذ الدوا بعض الاحيان واطلبي منها نصايح للتعامل مع بنتك بحال رفضت اخذ الدوا روحي لحالك انتي وابوها ممكن يحولوها على ابر تاخذها مفعولها اقوى ثانيا لازم يكون في شخص مقرب منها مرة انتي او ابوها او احد اخوانها لان هالشي يساعد جميع الاطراف لان الشخص المقرب هو الي يقدر يسيطر على المريض النفسي هالنقطة مرة مهمة ثالثا والاهم متى ماجتها الحالة رجائا عزيزتي لاحد يتصادم معاها خلوها تتكلم وتهدد لين تهدى بس ابعدو عنها ولا احد يرد بتزيد عصبية بس بعدين بتهدى الشخص الوحيد الي يقدر يهديها الشخص المقرب منها لهالسبب ضروري يكون في احد مقرب يكون فاهم وضعها وحالتها ويكون رايح معاها للدكتور النفسي واي أسئلة انا بالخدمة اتمنى اكون افدتك

حبيبتي فرج الله همك بس هدي نفسك شوي مريض الهذيان او المريض النفسي متعب التعامل معاه اتكلم من...

[Faith] :

الله يسعدك رد انسان فاهم ومجرب.. شوفي ياحبيبتي والله اني متفهمه وضعك بسبب تجاربنا مع المريض اللي عندنا.. اهم شي الدوا لازم تنتظم عليه، علشانك وعلشان أخواتها وعلشان كل اللي في البيت.. الدوا هذا زي مرض السكر والغده ماتتركه ولا يوم وان كنتي تواجهني صعوبه معاها في اخذ الدوا ترا في ابر والابر مره كل أسبوعين أو كل شهر انتي بس اسألي الدكتوره عن الإبر لعلها تريحكم لأنها مو شي يومي.. ثاني شي تراها مسكينه ماهي في وعيها، واغلب اللي نفس امراضها يسبون ويسخطون مثلها بس لازم انتي تحطي في بالك انها مسكينه مبتلاه بمرض اللي تسويه غصب عنها مو متعمده تنكد حياتك مثلا الله يشفيها ويعافيها.. تدرين انه غيرها بصحتهم العقليه والنفسيه ويضربو ويشتمون اهاليهم، بنتك يفرق انها مريضه ومعذوره.. المدمن يضرب اهله ويسرق ويحول حياتهم لجحيم وممكن يقتل بعد، الحمدالله انتي حاولي بس تفكرين انه حالتك افضل من كثير غيرك.. وربي مااختارك لهذا البلاء الا وانتي تقدرين عليه.. اذا بدت تسب وتهاوش سوي بلوك عقلي للي تقوله، لاتسمعيه وتتامليه وتنجرحي، ولا كنها تقول شي بس اول ماتبدا قولي بينك وبين نفسك الله يشفيها مسكينه مو بيدها الله يعافيها ويرفع عنها، الحمدالله على قضائه.. كذا تدربي انك تحسسي نفسك انك مو سامعتها وتحمدي الله في داخلك وتدعيلها.. ادري صعب بس بإذن الله تقدرين.. ثاني شي انتبهي لبناتك الباقين وقربي منهم واجلسي معاهم واتقهوي لاتنقطع علاقتكم بسبب التوتر اللي في البيت.. غالبا لما يكون في مريض في البيت يكون لاشعوريا التركيز عليه.. بناتك في سن بحاجتك وبحاجة حبك وقربك منهم، قربي منهم وقوليلهم ارحمو اختكم تراها مريضه، اسأليهم عن دراستهم والأشياء اللي يحبونها.. خلي لكم ليله تتفرجون فيلم مع بعض او تتابعون شي سوا المهم قوي علاقتك فيهم، ترا مايفهمون انك تعبانه ولا يفهمون انه اختهم بحاجتك اكثر.. يحتاجون اللي يقعد معاهم جلسة صداقه بعيد عن الأوامر والنصح جلسة وناسه وقهوه وشاي وفضفضه، ترا اذا قويت علاقتهم فيك بيساعدونك كثير مع اختهم وبيرحمونك ويرحمونها.. اما لو انتي بعيده وعلاقتكم أوامر ونصح ويشوفون كثير بس حزينه وتبكين بيصير نفور بينكم عظيم وبدل ماتكون مشكله وحده تصير مشاكل.. اقولك كل هالكلام من تجربه حيه مريت فيها قربي من بناتك مره وصيري صديقه وخليك انتي صدرهم الحنون وهم دايركت بيقربون منك ويساعدون في اختهم ويشيلون معاك شويه.. اهم شي في الموضوع لازم يااختي تلجاين لله بالدعاء، لازم يوميا يكون لك وقت تطلعين اللي في قلبك لرب العالمين، ترا كل اللي نقوله كلام في كلام اذا مااعاننا الله مافي شي نقدر نسويه.. لو تقدرين قبل الفجر بساعه تقومين وتدعين، وتقرنيها بقراءه يوميه لسورة البقره واستغفار دائم والله لاينقلب بيتك من حال لحال.. مين احنا بدون رب العالمين، الابتلاءات تقرب العبد من ربه والصبر عليها اجر ورفعه وتقبلها واحتساب الأجر سبب لدخول الجنه.. بنتك هذي وتعبك معاها نعمه بس بطريقه انتي مو عارفتها.. قولي يارب افرغ عليا صبرا.. يارب أعني ن اصبر على مالم احط به خُبرا.. ادعي بكل اللي في قلبك وخلي لك خبيئه مع الله حتى لو صدقه لطير او قطه.. او صيام اثنين وخميس او وتر او نافله.. او اي شي تتقربين به إلى الله، واحتسبي الأجر وانتي تعالجي بنتك وتتعبين معاها احتسبي الأجر في كل شي تسوينه.. اسأل الله ان يشرح صدرك ويشفي بنتك ويسخر ذريتك ويعظم لك اجر صبرك يارب❤️❤️

الله يسعدك رد انسان فاهم ومجرب.. شوفي ياحبيبتي والله اني متفهمه وضعك بسبب تجاربنا مع المريض...

مهاوي vip :

اعلمك بشي اعراضها عادية اخاف ان الي فيها تعب نفسي من شي او صدمة .... لاتودينها طبيب عليك بالبقرة عبي جك او علبة كبيرة موية مقري واقري انتي غلي الموية وشربيها ... تري البنات حساسات كثير... ودي كمان اعرف شخصيتها هل هي اكبر البنات وهل دلعتوها وكيف تاثرت بعد ماجبتي بعدها احد... هل فية شي احرمتوة تحبة مرررة وانحرمت منة... اخاف عدوانيتها تكون هي اساس البلاء يعني مو مرض لا هي عارفة انها محط الانظار وبتكون مهمة بينكم وتبي الاهتمام والانصات انا اعطيك احتمالات والله يشفيها ويعافيها ويخليها لكم... صح ممكن الواحد يكرة ضناه بس وقت الجد لا.... بس تتمنين انك ترتاحين من التفكير والهم انا معك.... حاولي تروحين ليلة في فندق لوحدك والله اتكلم جد جربتها انا من باب التغير والبعد عن البيت شوي والزوج والعيال دلعي عمرك واقري وطالعي بالي تحبين .... شوفي تري بري المملكة الي في عنف تدرين اهلة يتجاهلونة ويحاولون مايطالعون فية لما يعصب ويزعل ويهدا لان تصرفاتة ماجابت لفت نظر فهمتي ويصر علي حالاتة لين تعود تجاهل اهلةوهم محروقين علية بس في الاخير عارف مهما عصب سوي عنف محد حولة لاتعطينها ادوية انتبهي وديها مكان حلو مشغل تسوي مساج... بدكير مناكير... تشرب نعناع ابتعدي عن الادوية نصيحة بتخليها مجنونة زوجي كان ياخذ علشان بس كان متوتو وعصبي ومايتحمل شي... وجلس يستغفر لين تركها وربي عافها وكنت اتحمل منة اشياء يعصب ويمد يدةويقولي لاتنامين انا بنان وخليك صاحية لدرجة انام افصل ويمسكني من شعري علشان يقومني من هالحبوب والحمدللة هذا هو تركها ومتحملة عصبيتة ومع السنين تعدل لاني صرت اتركة ومافكر فية كنت اهتم فية وقت الادويةوبعد ماطنشتة وسافرت لاهلي وتركتة رجعت وهو يحاول يتركها وجلست اساعدة لين بطلها والخين زي الفل مافي شي مستحيل وصل هو للهذيان ويكلم نفسة من قوة النفسية لدرجةحلف بالله ان يجلس مع احد ويسولف معة يقَول اشوف تخيلي كل هاذي الحبوب تزيييييد يحس الواحد بانة عديم فايدة بالحياة وكان في احد يلعب فية وفي نفسيتة حرام وربي صغيرة انتهبي ارميها خلها تزعل وتصفق بعمرها طنشيها وابعدي خواتها عنها لانها ماراح تاذي هي تنبسط بالتهديد فيكم وتخاف من ابوها لان انتي مستمعة لها دايم نصيحة مجربة صح بتعانين بس اصبري واطلعي فيهاوتحمليها مررررةوخاصميها ماعليك منهاحسسيها انك قوية وماتضعفين امامها علمتك مارسي القسوة والتجاهل بدون اي عنف واي الفاظ وادعي لها

اعلمك بشي اعراضها عادية اخاف ان الي فيها تعب نفسي من شي او صدمة .... لاتودينها طبيب عليك...