نفسيتي مره تعبانه .. شوفوا اللي صار معي وادعوا لي

الحمدلله على كل حال

الناس ماترحم بس احنا ننتظر رحمة ربنا سبحانه

صار لي موقف قبل شهر تقريبا والله للحين ماثر فيني ومعور قلبي وكل ماتذكرته بس ابكي

احس ودي ارمي نفسي بحضن احد وابكي ابكي ابكي واصرخ من قلبي

بس مااقدر افضفض بهالشي لا لامي ولا خواتي

وزوجي ممكن يتفهم ويضمني لصدره ويخفف عني بس انا عارفه اللي فيه مكفيه

انا قبل فتره شهر تقريبا رايحه ازور وحده من بنات عمي والد يعني قريبه مو غريبه

رحت ابارك لها المولود وماخذت لها معي الهديه والحلاوة

واول مادخلت اختها الصغيره بالغرفه اللي حنا فيها شايله المولود قالت امهم عطيه بنت ناس تشوفه

والله والله شوف عيني انها اشرت بيدها وعينها لاختها تقول لا لاتعطينها

امهم سكتت وانا انحرجت وسويت نفسي ماانتبهت كاني بادق على زوجي

غير كذا لما جيت باسلم عليها وانا طالعه والله انها تغطي وجه ولدها بالبطانيه عشان مااشوفه

صحيح السالفه هذي مر عليها اكثر من شهر بس والله والله والله للحين حرقتها بقلبي وكل مااتذكرها تدمع عيني

اذا بنت عمي تعاملني كذا شلون الغريبه

حسبي الله ونعم الوكيل ؟؟ يعني لو ماكنت فرحانه لها كنت باروح ابارك لها وبالهديه ؟؟

ادري اني طولتها بس والله من حر مافي قلبي واكتب لكم ودمعي على خدي

حسبي الله هو نعم

ادعوا لي يابنات يمكن فترة زواجي بالنسبه لغيري في المنتدى تعتبر قصيره

لكن المعروف عندنا بالعيله البنات شهر شهرين بعد الزواج الا وهي حامل

وهذا اللي مخليهم ضاغطين علي بالكلام والله نفسيتي مررره تعبانه