بسم الله الرحمن الرحيم
السلام عليكم ورحمة الله وبركاته ..
مساكم وصباحكم خير ..
ببدا قصتي .. وبليز مابي كلام جارح ابي تنصحوني ..
اول شي انا عمري 19 وباقي شهر وبدخل بالـ20 مخلصه ثانويه ومالقيت جامعه تضفني وتخلصني من إللي أنا فيه ..
انا قصتي إني متضايقه من العيشه مع امي وأبوي
اللي مخليني زي الخدامه عندهم بما إني ماأدرس .. فا شي طبيعي بجلس لاشغله ولامشغله ..
انا أكبر أخواني وخواتي .. وكلهم يروحون المدرسه الا إثنين صغار ويخلوني بالبيت خدامتنا امي سفرتها وانا سرت الخدامه بالبيت.. اكنس انظف امسح اشيل اطبخ أنيم اخواني الصغار احطلهم فطور اسويلهم غدا اسوي عشا .. ترى انا عادي أسوي هذا كله بس لاحمدا ولاشكورا .. امي مو عاجبها وابوي يسب ويشتم .. وامي تقول اربعه وعشرين ساعه جالسه ماتسوي شي .. وانا والله ويعلم الله انا اللي كل شي على راسي وأسويه ولو جلست زي ماهي قايله كان البيت وسخ ومحتاس بمعنى الكلمه ..
طبعا يوم كنت بالثانوي كنت مدلعه مو مدلعه مره بس يعني احسن من حالي الحين بكثييير ..
نجي عند أبوي ..
أبوي ظالم قاسي وجارح بكلامه كثير ... وانا احاول اتجنبه كثير والساعات القليله اللي اجي على نفسي واقضيها معاه تكون كلها كلام سب وشتم وتجريح بنفسيتي وتكسير مجاذيف .. بس اذا يبي مني شي مثلا اكويله ثوب او هالأشياء .. أحلى منه مافي
الزبده إنه " مصلحجي معي " للأسف :(
نجي عند أمي المصيبه الأأكبر
امي من صباح الله خير ماشوفها تكون عند جدتي ام ابوي ..
وماشوفها الا الظهر وكيف أعرف إنها جت من صراخها علي يوم توصل ع الباب هذي السلام عليكم حقتها .. وييييييييييينك مانظفتي المدخل ياوسخه لييييييييييييييييييييييش تاركه البيت قرف مادري هي مركبه عيون تشوف غير اللي اشوفه ولا ايش
وانا اكون منهلكه ومكسسسره بتنظيف البيت .. عندها الكلام الوسخ زي شربة المويه
وفوق هذا كله .. مانعتنا من السفر او حتى الطلعه يوم تطلع روحي تطلعني وتقعد تذكرني فيها شهر
احيان جدتي تعطيني فلوس وتقول خليها معك اشتري اللي تبي .. بمجرد ماأدخل الباب تسحبها مني
وتاخذها وماأخذ منها ولا ريال مع إن مو محتاجه فلوس بس كذا ماتبي يبقى معي فلوس
عندي كلاااااااااااااااام كثييييييييييييييييييييير بس تعبت وانا اشكي واكتب ويوم كتبت موضوع هنا ماعرفت شكتب ووش أخلي
والله صرت اتمنى اي احد يتزوجني وافتك .. ولا ادخل الجااااااامعه وارتاااح شوي من الجلسه معهم
منجد لو كيفي ماأعيش معهم دقيقه كماااان .. لأن كرهوني حيااااااااااااتي :(
عذاب ومآسي @aathab_omasy
عضوة جديدة
يلزم عليك تسجيل الدخول أولًا لكتابة تعليق.
الصفحة الأخيرة
الله يساعدك ويغير من حالك بس انتي حاولي تلتحقي في اي معهد او اي نشاط حتى لو تدرسي انجلش في معهد او دورة كمبيوتر بكذا بتطلعي من البيت وتغيري جو ونفسيه وتبتعدي شوي عن البيت وتنشغلي
الله يكون في عونك غاليتي