نفسيتي منهارة داخليا

السلام عليكم، من فترة ادخل المنتدى وعجبني وايد وقررت اسجل فيه لعل وعسى يكون نقطة تغير ف حياتي مع الوقت ..
انا بنت عمري ٢٥ سنه كان عندي صديقات ولكن الله يسامحهم عاملوني مو تمام وابتعدت عنهم من فترة بعد ما اتخذت قراري بسبب مواقف كثيرة، وماعندي احد .. الا اهلي الحمدلله
ودايما افكر اني وحيدة وابي اتزوج وما احد تقدم لي الا شخص واحد كنت اعرفه وماحصل نصيب.. ودي اتزوج ويكون عندي عايلة ودي اصير ام واخاف ابقى من دون عايلة .. مريت بالكثير بحياتي لحد ما صرت مرهقه داخليا مع العلم ان صحتي اعاني من بعض الامراض المزمنه، واذا على المناسبات والاهل مناسباتي قليلة جدا واهلي وعايلتي مو كبيرة .. دايما اقول ليش فلانه تنخطب وانا لا، ادعي الله كل يوم بس ما ادري شلون اطلع نفسي من هالدوامه اقرا سورة البقرة يوميا حمدلله بديت من اسبوع، ودايم ادخل برامج اقول يمكن القى انسان نظيف ومع الاسف اغلبهم ان ماكانو كلهم يلعبون ونصابين وابقى على هالحالة افكر ودايما متوترة اوقات احس فيني حالة نفسية ما ادري ! او طبيعي ما اعرف
احس ان ماعندي احد برغم من وجود اهلي حولي بس ودي اعيش مع انسان يحبني حالي حال اي بنت واكون أسرة..

الي مرت بحالتي ولا عندها خلفية تقولي بالله
وشكرا.