قولي الهم ربي خلقني وانا راضيه بخلقه ربي

أم الغنوجه .. أنتِ قلتِ حلو الواحد يعيش واثق من نفسه .. و انا أقول لك .. ما قد مره شفتي ناس عاديين و أقل من عاديين بعد .. و مع هذا واثقييييين من أنفسهم ؟؟ .. طيب ليه يا ترى ؟؟

الثقه مالها علاقه بالجمال .. لو على كذا كان كل اللي نصيبهم من الجمال محدود صارت شخصياتهم مهزوزه و ثقتهم عدم .. و هذا شي مو صحيح .. أنا أعرف جميلات ما عندهم ثقه في أنفسهم رغم جمالهم .. الثقه شي له علاقه بالنفسيه .. و أنتِ زي ما قلتي نفسيتك تعبانه .. و السبب إنك مهتمه أكثر من اللازم لكلام أهل زوجك عن مظهرك الخارجي ..

وخلي عنك فكرة التنفيخ و الغمازات .. فيه ناس تتشوه أشكالهم بسببها ..
و لا تخلين زوجك يحس إنك منتب واثقه من جمالك .. ترى تطيحين من عينه بعدين .. و انت قلتي عن نفسك إن فيه ناس يمدحونك .. وإن فيك جاذبيه .. و ترى الملح و الجاذبيه أحياناً اهم من الجمال اللي ماله طعم ..
وخير إن شاء الله و إذا قالوا عنك أهل زوجك إنك عاديه .. موب هم اللي جو و خطبوك لولدهم ؟ .. وهو ما شافك ؟ ما عجبتيه ؟.. ورزقكم ربي بأولاد حلوين .. معناه إنك حلوه و زي القمر بعد .. و إن فيك أشياء في شخصيتك محليتك زياده على الشكل .. حاولي تكتشفين هالأشياء اللي في نفسك بتنبسطين صدقيني .. حتى في الناس اللي حولك .. أنا متأكده إنك بتلقين ناس .. تحبينهم .. ويعجبونك .. رغم انهم عاديات .. حسب ما تقولين .. و شخصياتهم روعه رغم إني ما أتوقع إن فيه مرأه ما فيها جمال .. لأن الأنوثه لوحدها بس ... جمال .

أما عملية الفك .. بصراحه ما أقدر أفيدك .. أسألي البنات عنها في قسم ساعدوني .. و لا تنسين صلاة الإستخاره قبل أي خطوه تاخذينها ..

و في الختام .. لا تنسين تكثرين من حمد الله و شكره تراك في نعمه ما انتبهتي لها .. و بالشكر تدوم النعم .

انا رأي من رأي الاخت والله يوفقج الغاليه ، والله يا عمري بتتعبين من الناس ، فطنشي احسن شيء ....

الجماااال جمال الروح يا خيتي
في بنات جميلات ما تقدرين تطالعين وجهها من قبح اعمالها
وأهم شئ زوجك مقتنع وراضي بشكلك...والحمدلله على الصحه والعافيه
في ناس الله باليهم بالمرض واذا خيرتيهم ما بين الصحه والجمال لختارو العافيه
وذا قالوا هذا الكلام مره ثانيه
انخري عيونهم بكلمتين وقولي لهم( ماهميتوني اهم زوجي راضي عني واذا شكى لكم تعالوا حاسبوني).

شوفي انا صحيح ماودي اقول لك مثاليات....بس فعلا مثل ماقالت اختي،ياما شفنا عاديات واقل من عاديات بس بصراحة قمة الثقة بالنفس....وهم لبسهم عادي لاماركات ولاشي بعد...يعني حتى ثقتهم مو من اشياء يملكونها،بس تكون اكثر البنات شعبية ومحبوبة و تناقش وتشارك وصديقاتها كثااار لا وتنخطب وتتزوج و تصير فارضة نفسها وين ماتروح....
هذا اولا
ثانيا التطبيق...يعني ناظري الي ينتقدونك زين...اكيد بتشوفين عندهم عيوب كثييير(اكثر الي ينتقدون الاشكال كذا)...فاحمدي ربك بصراحة...واضحكي عليهم في سرك
واهم شي بطلي تناظرين نفسك نظرة نقص:انا مهما سويت بكون شينة...بكون اشينهم....فلانة وفلانة احلى...الخ
وصدقيني اول ماتحسين بكذا،الكل بيلاحظ تغيرك وثقتك ورزتك وهي اهم شي:)
وثااالثا
مايمنع تفكرين بزيادة جمالك مثل اي امراة...
بصراحة فكري في العملية لو التقدم في الفك كبير....تراها تقلب الشكل الف درجة ويتغير كل وجهك....وفعلا ماينفع التقويم، انا اسمع انها مب خطرة ابدا كعملية بس مادري عن فترة النقاهه....
والخدود ماادري بس اهتمي بكريمات نضارة واشراق وااذا نفختي انفخي شوي مو كثير...بس لو بتسوين هالامور لاتقولين لزوجك انك يائسة الخ ترى بتطيحين من عينه... قولي بس عشان ازيد جاذبيتي ههههههههههههههه