نفسيه +كئييبه+ ضيقة صدر

السلام عليكم 
باااختصار عنوان موضوعي يشرح شخصيتي

انا متزوجه وام لثلاث اطفال اكبرهم بنت عمرها عشر سنوات 

انا زوجي عصبي بس طيب وحنون لاكن مرينا بمشاكل وظغوط وخفت حمدلله 

الحين انا صايره زي الشراره اي شي يطرطعني ويولعني وازعل واعصب 

زوجي ماعلي منه او مو ماانبني ضميري عليه لانه ياخذ حقه وزياده

لاكن اطفالي ارحمهم وربي واحن عليهم

بنتي الكبيره تجي من المدرسه كلامها كثير تقعد تسولف حتى عن اتفه شي وانا بس اطالعها يعني مااتفاعل معها وانتظرها بس تسكت مااحب اكسحها واقولها اسكتي بس احس انها تحس اني انغثيت وتسكت 
ارحمها ودي اتكلم معها واناقشها بس مدري ليش صدري ضيق كذا


ودي اعرف كل الامهات زيي والا بس انا 
احس الظغوط هي السبب 

انا حمدلله حنونه عليهم اضمهم وابوسهم بس مو دايم 

مدري وش اقول بس ودي ومنى عيني اكون وسيعة صدر 
ودي اكون حليمه وماازعل بسررعه 
ودي اكون راعية فله ووناسه 
زوجي احسه مل مني 
مدري بس انا احس ان الظروف وديون زوجي وسكني فوق اهله او وسط مجتمع جماعتي هو السبب

نفسي اطلع من الديره اللي انا فيها واسكن بعيد 
واحيان اقول المشكله فيني انا انا اللي نفسيه 
والله مدري وش اقول كلامي ملخبط مره بس اتمنى وصل شعوري لكم 

تكفوون ادعولي ربي يسعدكم